आज देशले नयाँ प्रधानमन्त्री पाउने, रास्वपा वरिष्ठ नेता बालेन प्रधानमन्त्रीको सपथ लिँदै

राजनीति

Home
राजनीति
आज देशले नयाँ प्रधानमन्त्री पाउने, रास्वपा वरिष्ठ नेता बालेन प्रधानमन्त्रीको सपथ लिँदै

आज देशले नयाँ प्रधानमन्त्री पाउने, रास्वपा वरिष्ठ नेता बालेन प्रधानमन्त्रीको सपथ लिँदै

परासी । आज देशले नयाँ प्रधानमन्त्री पाउने भएको छ । राष्ट्रिय स्वतन्त्र पार्टी(रास्वपा)का बरिष्ठ नेता बालेन्द्र शाह बालेनले आज प्रधानमन्त्रीको सपथ लिदै हुनुहुन्छ ।

राष्ट्रपति कार्यालय शीतल निवासमा आज दिउँसो राष्ट्रपति रामचन्द्र पौडेलले शाहलाई प्रधानमन्त्रीको शपथ गराउने कार्यक्रम तय गरिएको बताइएको छ । नेपालको संविधानको धारा ७६ को उपधारा १ अनुसार एकल सरकार गठन हुन लागेको हो ।

प्रतिनिधि सभा निर्वाचनमा झापा क्षेत्र नं. ५ बाट निर्वाचित शाहलाई बिहिबार रास्वपाले संसदीय दलको नेताको रुपमा सर्वसम्मत चयन गरेको हो । गत फागुन २१ मा सम्पन्न प्रतिनिधिसभा सदस्य निर्वाचनमा राष्ट्रिय स्वतन्त्र पार्टीले १८२ सिटमा जित निकालेको छ ।

रास्वपाका सभापति रवी लामिछाने र वरिष्ठ नेता बालेन बीच लामो समयदेखि सरकार गठनका लागि छलफल चलिरहेको भएपनि मन्त्री परिषद कति सदस्यीय बनाउने र क—कसलाई जिम्मेवारी दिने भन्नेबारे अझै टुङ्गिएको छैन । छलफल जारी नै छ । यद्दपी मन्त्रिपरिषद १६ वा १८ सदस्यीय बनाउने भन्ने बारे कुराकानी भएको बुझिएको छ ।

यस्तै मन्त्रिपरिषदमा कम्तिमा ६ जना महिलालाई समावेश गर्न महिला नेताहरुले सुझाव दिएका छन् । अर्थमन्त्रीमा डा.स्वर्णिम वाग्ले, परराष्ट्रमा शिशिर खना र स्वास्थ्यमा डा लेखजंग थापा, गृहमन्त्रीमा डिपि अर्याल लगायतको नाम चर्चामा भएपनि आकाँक्षीहरु धेरै रहेकोले आज नै मन्त्रिपरिषदले पूर्णता पाउनेमा नेताहरुले आशंका व्यक्त गरेका छन् ।

प्रकाशित मिति: शुक्रबार, चैत १३, २०८२ ०६:२८

प्रतिक्रिया दिनुहोस्