सिटिजन्स बैंक परासी शाखाद्वारा रक्तदान कार्यक्रम

स्थानीय सेरोफेरो

Home
स्थानीय सेरोफेरो
सिटिजन्स बैंक परासी शाखाद्वारा रक्तदान कार्यक्रम

सिटिजन्स बैंक परासी शाखाद्वारा रक्तदान कार्यक्रम

परासी । सिटिजन्स बैंकको परासी शाखाले बैंकको १९ औँ वार्षिकोत्सवको अवसरमा रक्तदान कार्यक्रम सम्पन्न गरेको छ । बैंकले सामाजिक उत्तरदायित्व निर्वाह गर्दै रक्तदान कार्यक्रम आयोजना गरेको जनाएको छ।

कार्यक्रममा ५९ जना रक्तदाताले रक्तदान गरेका छन् । जसमा ५१ जना पुरुष र ८ जना महिलाहरूले रक्तदान गरेका हुन् । रक्तदान कार्यक्रम नेपाल रेडक्रस सोसाइटी जिल्ला रक्त सञ्चार केन्द्रको प्राविधिक सहयोगमामा गरिएको हो ।

बैंककी परासी शाखा प्रमुख मीना पाण्डेले वार्षिकोत्सवलाई मानवसेवामा रूपान्तरण गरिएको बताउनु भयो । शाखा प्रमुख पाण्डेले सामुदायिक सेवाका कामहरू मार्फत बैंक आम समुदायका बीचमा लोकप्रिय बन्दै गइरहेको बताउनुभयो।

कार्यक्रममा सहभागी नेपाल रेडक्रस सोसाइटी जिल्ला शाखाका सभापति राजेन्द्रप्रसाद अग्रहरी, नेपाल स्वयंसेवी रक्तदाता समाज नवलपरासीका अध्यक्ष मोहन पौडेल, रामग्राम जेसीजका अध्यक्ष मुकेश लोनिया लगायतले रक्तदानको महत्वका बारेमा प्रकाश पार्नुभएको थियो।

प्रकाशित मिति: मंगलबार, वैशाख ८, २०८३ १०:०७

प्रतिक्रिया दिनुहोस्