आगामी आर्थिक वर्षको नीति तथा कार्यक्रम आजदेखि सुरु हुँदै

राजनीति

Home
राजनीति
आगामी आर्थिक वर्षको नीति तथा कार्यक्रम आजदेखि सुरु हुँदै

आगामी आर्थिक वर्षको नीति तथा कार्यक्रम आजदेखि सुरु हुँदै

काठमाडौं । संघीय संसद्को बजेट अधिवेशन आजदेखि सुरु हुँदैछ । सरकारको आगामी आर्थिक वर्ष २०८३/८४ को नीति तथा कार्यक्रम पनि आज नै प्रस्तुत हुने भएको छ ।

अपराह्न ४ बजे बस्ने संसद्का दुवै सदनको संयुक्त बैठकलाई राष्ट्रपति रामचन्द्र पौडेलले सम्बोधन गर्ने कार्यक्रम रहेको संसद् सचिवालयले जनाएको छ । नीति तथा कार्यक्रम प्रस्तुत हुनु अगावै ३ः४५ बजे सबै सांसदलाई बैठक कक्षमा उपस्थितिका लागि अनुरोध गरिएको छ ।

त्यसअघि आज दिउँसो २ बजे प्रतिनिधि सभा र राष्ट्रिय सभाको छट्टाछुट्टै बैठक बस्नेछ ।

संसद् सचिवालयका अनुसार प्रतिनिधि सभा बैठकमा राष्ट्रपतिबाट अधिवेशन आह्वानसम्बन्धी पत्रबारे जानकारी दिने, मन्त्रिपरिषद्को हेरफेरसम्बन्धी राष्ट्रपतिको कार्यालयबाट प्राप्त सूचनाबारे सदनलाई जानकारी गराउने कार्यसूची छ ।

त्यसैगरी, सभामुखको अनुपस्थितिमा बैठकको अध्यक्षता गर्ने सदस्यहरुको मनोनयन, प्रतिनिधिसभा नियमावली, २०७९ को नियम २६० बमोजिम जारी भएको बाधा अड्काउ फुकाउ अनुमोदनका लागि पेस हुने, प्रतिनिधिसभा नियमावलीको मस्यौदा पेस हुने र सरकारले जारी गरेको अध्यादेशहरु पेस गर्ने लगायतका कार्यसूची छ । (दैनिक नेपाल)

प्रकाशित मिति: सोमबार, वैशाख २८, २०८३ ०६:३८

प्रतिक्रिया दिनुहोस्