सरकारले सङ्घीय मन्त्रालयको सङ्ख्या २२ बाट घटाएर १८ बनायो

राजनीति

Home
राजनीति
सरकारले सङ्घीय मन्त्रालयको सङ्ख्या २२ बाट घटाएर १८ बनायो

सरकारले सङ्घीय मन्त्रालयको सङ्ख्या २२ बाट घटाएर १८ बनायो

काठमाडौं । प्रशासनिक सुधार, मितव्ययिता र अनावश्यक चालु खर्च कटौती गर्ने उद्देश्यले सरकारले संघीय मन्त्रालयको संख्या २२ बाट घटाएर १८ मा झारेको छ। मन्त्रिपरिषद् बैठकले ‘नेपाल सरकार (कार्यविभाजन) नियमावली, २०८३’ स्वीकृत गर्दै मन्त्रालय पुनर्संरचनाको निर्णय गरेको हो।

अर्थ, गृह, परराष्ट्र, रक्षा तथा कानुन मन्त्रालय यथावत राखिएका छन्। विज्ञान–प्रविधि र नवप्रवर्तनलाई प्राथमिकता दिँदै ‘विज्ञान, प्रविधि तथा नवप्रवर्तन मन्त्रालय’ नयाँ रूपमा गठन गरिएको छ। समान प्रकृतिका मन्त्रालयलाई एकीकृत गर्दै शिक्षा तथा खेलकुद, युवा–श्रम तथा रोजगार, स्वास्थ्य तथा खाद्य सुरक्षा, कृषि–वन तथा पर्यावरण लगायत नयाँ संरचना बनाइएको छ।

सञ्चार मन्त्रालयअन्तर्गतको सूचना प्रविधिसम्बन्धी कार्य भने प्रधानमन्त्री तथा मन्त्रिपरिषद्को कार्यालयमा गाभिएको छ। सरकारले मन्त्रालय संख्या बढी हुँदा चालु खर्च बढेको भन्दै राज्य संयन्त्रलाई थप चुस्त र प्रभावकारी बनाउन पुनर्संरचना गरिएको जनाएको छ।

प्रकाशित मिति: बिहीबार, वैशाख ३१, २०८३ ०५:४२

प्रतिक्रिया दिनुहोस्