लुम्बिनी प्रदेशको नीति तथा कार्यक्रम: लुम्बिनीका महिला उद्यमशीलतामा पहिला

राजनीति

Home
राजनीति
लुम्बिनी प्रदेशको नीति तथा कार्यक्रम: लुम्बिनीका महिला उद्यमशीलतामा पहिला

लुम्बिनी प्रदेशको नीति तथा कार्यक्रम: लुम्बिनीका महिला उद्यमशीलतामा पहिला

नवलपरासी । लुम्बिनी प्रदेश सरकारले आगामी आर्थिक वर्ष २०८३।०८४ को नीति तथा कार्यक्रममा "लुम्बिनीका महिला: उद्यमशीलतामा पहिला" को मर्मलाई आत्मसाथ गर्दै महिलाहरूलाई आर्थिक रुपमा सक्षम शीपयुक्त तथा आत्मनिर्भर बनाउन स्थानीय तह समेतको सहकार्यमा महिला उद्यमशीलता विकास कार्यक्रम सञ्चालन गरिने जनाएको छ ।

उद्यमी महिलाहरूबाट उत्पादित वस्तु तथा सेवाको बजार प्रवर्द्धन गर्न एवं निजी क्षेत्रको नेतृत्व र रोजगारीका अवसरमा महिला सहभागितालाई प्राथमिकता दिन प्रोत्साहन गरिने जनाएको छ।

यस्तै आर्थिक रूपमा विपन्न महिला, दलित, अपाङ्गता भएका व्यक्ति अल्पसंख्यक र सीमान्तकृत समुदाय एवं अन्य युवालाई आयआर्जन र क्षमता अभिवृद्धिमूलक कार्यक्रममा आबद्ध गरी स्वरोजगार बनाउन उद्यमशीलता प्रवर्द्धन कार्यक्रमलाई निरन्तरता दिइने जनाएको छ।

नीति तथा कार्यक्रममा सुरक्षित मातृत्व अभियानलाई निरन्तरता दिइने दुर्गम स्थानका गर्भवती आमाहरूको जटिलताको व्यवस्थापनका लागि निःशुल्क एम्बुलेन्स तथा हवाई उद्धार सेवा प्रदान गरिनेछ। सुरक्षित प्रसुति सेवालाई रणनीतिक स्थानमा सञ्चालन गर्न नीतिगत व्यवस्था गरिने जनाइएको छ ।

प्रकाशित मिति: मंगलबार, जेठ १२, २०८३ ०८:३७

प्रतिक्रिया दिनुहोस्