आफन्त नेपालद्वारा पाल्हीनन्दनमा समन्वयात्मक बैठक सम्पन्न

स्थानीय सेरोफेरो

Home
स्थानीय सेरोफेरो
आफन्त नेपालद्वारा पाल्हीनन्दनमा समन्वयात्मक बैठक सम्पन्न

आफन्त नेपालद्वारा पाल्हीनन्दनमा समन्वयात्मक बैठक सम्पन्न

परासी । आफन्त नेपाल शाखा कार्यालय महेशपुर, नवलपरासीले आज जिल्लाका विभिन्न स्थानीय निकायसँग समन्वयात्मक बैठक सम्पन्न गरेको छ । संस्थाकी रुपन्देही जिल्ला संयोजक उषा गुरुङ्गको अध्यक्षता र पाल्हीनन्दन गाउँपालिकाकी उपाध्यक्ष फातिमा खातुन अन्सारीको प्रमुख आतिथ्यतामा बैठक बसेको हो ।

मानव बेचविखन र लैङ्गिक हिंसा अन्त्यको अभियान सञ्चालन गरिरहेको संस्थाले आज सोही क्षेत्रमा कार्यरत संघसंस्था र निकायहरुसँगको समन्वय बैठक गरेको हो । संस्थाले समूदाय स्तरमा समूह गठन गरी सचेतना कार्यक्रम गर्दै आइरहेको जनाएको छ ।

सो अवसरमा आफन्त नेपालीकी शाखा प्रमुख विपना सुनारले संस्थाले हालसम्म गरेका कामहरुको सहजिकरण गर्नु भएको संस्थाकी सामाजिक परिचालक बिन्दु थापाले जानकारी दिनुभयो ।

कार्यक्रमको सहजिकरण गर्दै संयोजक सुनारले सन् २०२५ मा ३ हजार ६४८ जनालाई सूचना सम्प्रेषण, १ हजार ४१८ जनालाई परामर्श, ३९ जनालाई अवरोध र उद्दार कार्य, ३५ वटा प्रहरीको सहयोगमा केस व्यवस्थापना, १९ जनालाई आवधिक गृह सेवा प्रवाह, ३२ जनालाई पारिवारिक पुनःमिलन र ७ ले उद्यमशील काम गरी गरिरहेको संस्थाले जनाएको छ । खुला सिमानाका मानव बेचविखन र लैङ्गिक हिंसाको मुख्य चुनौति भएको बताइएको छ ।

प्रकाशित मिति: बिहीबार, जेठ १४, २०८३ ०८:४७

प्रतिक्रिया दिनुहोस्