रास्वपा सरकारको पहिलो बजेट: कर्मचारीको तलब वृद्धि, डिजिटल सेवा र आर्थिक रूपान्तरणमा जोड

राजनीति

Home
राजनीति
रास्वपा सरकारको पहिलो बजेट: कर्मचारीको तलब वृद्धि, डिजिटल सेवा र आर्थिक रूपान्तरणमा जोड

रास्वपा सरकारको पहिलो बजेट: कर्मचारीको तलब वृद्धि, डिजिटल सेवा र आर्थिक रूपान्तरणमा जोड

काठमाडौँ । सरकारले आगामी आर्थिक वर्ष २०८३।०८४ का लागि आज शुक्रबार बजेट ल्याउँदै छ । नवयुवा आन्दोलन पछिको सम्पन्न चुनावमा झन्डै दुई तिहाई बहुमत ल्याएको राष्ट्रिय स्वतन्त्र पार्टी सरकारको पहिलो बजेट सरकारका अर्थमन्त्री स्वर्णिम वाग्लेले प्रस्तुत गर्दै हुनुहुन्छ ।

सङ्घीय संसदको संयुक्त बैठकमा आज दिनको ४ बजे बजेट प्रस्तुत गर्ने कार्य सूची रहेको संघीय संसद सचिवालयले पुष्टि गरेको छ। सङ्घीय संसदका महासचिव पद्मप्रसाद पाण्डेले आगामी आर्थिक वर्ष २०८३।०८४ को राजस्व र व्ययको वार्षिक अनुमान बजेट पेश हुने बताउनुभयो।

प्रत्येक वर्ष जेठ १५ गते नै बजेट सार्वजनिक गर्नुपर्ने संवैधानिक व्यवस्था बमोजिम सरकारले आज बजेट प्रस्तुत गर्न लागेको हो।

स्रोतको चाप भएकोले सामाजिक सुरक्षा भत्ता नबढाउने भएपनि निजामती कर्मचारीको पारिश्रमिक वृद्धि र सबै सरकारी सेवा अनलाइन प्रणाली मार्फत उपलब्ध गराउने व्यवस्था बजेटमा समेटिँदै छ । यस्तै भ्रष्टाचार निवारणका लागि गठित उच्चस्तरीय आयोगलाई पर्याप्त स्रोत उपलब्ध गराउने र कृषि, पर्यटन, ऊर्जा तथा सूचना प्रविधिलाई आर्थिक रुपान्तरणका प्रमुख आधारका रुपमा प्रस्तुत गरिने बजेट निर्माणमासंलग्न अधिकारीहरुले बताएकाछन् ।

राष्ट्रिय स्वतन्त्र पार्टीले १० वर्षभित्र नेपाललाई मध्यम आय भएको देश बनाउने, वार्षिक ७ प्रतिशत आर्थिक वृद्धि हासिल गर्ने र सात वर्षभित्र अर्थतन्त्रलाई १०० अर्ब अमेरिकी डलर बराबरको बनाउने लक्ष्य राखिसकेकोले त्यही अनुरुप बजेट आउने अनुमान गरिएको छ ।

प्रकाशित मिति: शुक्रबार, जेठ १५, २०८३ ०७:५१

प्रतिक्रिया दिनुहोस्