आज अन्तर्राष्ट्रिय योग दिवस, बर्दघाटलाई ‘योग नगर’ घोषणा गर्ने तयारी

स्थानीय सेरोफेरो

Home
स्थानीय सेरोफेरो
आज अन्तर्राष्ट्रिय योग दिवस, बर्दघाटलाई ‘योग नगर’ घोषणा गर्ने तयारी

आज अन्तर्राष्ट्रिय योग दिवस, बर्दघाटलाई ‘योग नगर’ घोषणा गर्ने तयारी

परासी । आज अन्तर्राष्ट्रिय योग दिवस नवलपरासी सहित देशभर योगसाधना गरी मनाइएको छ । जिल्लाका विभिन्न साधना केन्द्रहरु, क्याम्पस तथा विद्यालयहरु, संघसंस्थामा आवद्ध नागरिकहरुले योग दिवस मनाएका छन् ।

योग दिवसको अवसरमा बर्दघाट नगरपालिकामा बहृत योग शिविर सञ्चालन गरिएको छ । शिविरमा नवलपरासीका बिभिन्न क्षेत्रका साधना केन्द्रका साधक—साधिकाहरुको उपस्थिति रहेको थियो । बर्दघाटको प्रदर्शनी केन्द्र हरियाली नगरमा गरिएको कार्यक्रममा करिव २ हजारको सहभागीता रहेको आयोजकले जनाएको छ ।

त्रिनेत्र बुद्धमंगल योग समितिको आयोजना र बर्दघाट नगरपालिकाको सहयोगमा योग शिविर आयोजना गरिएको हो । योग समितिका अध्यक्ष रमेश पंगेनीको अध्यक्षता र लुम्बिनी प्रदेशका साँसद विश्वप्रेम पाठकको प्रमुख आतिथ्यता रहेको थियो ।

कार्यक्रममा बर्दघाट नगरपालिकाका नगरप्रमुख शम्भुलाल श्रेष्ठले आगामी माघ १ गते राष्ट्रिय योग दिवसको अवसरमा बर्दघाटलाई योग नगर घोषणा गर्ने बताउनु भएको छ ।

योगले स्वस्थ, अनुशासित र सकारात्मक जीवनशैली निर्माणमा महत्वपूर्ण भूमिकाखेल्ने भएकोले नियमित योग साधना गर्न वक्ताहरुले सुझाएका छन् ।
कार्यक्रम आज विहान ५ बजेदेखि ७ बजेसम्म सञ्चालन भएको परासी योग साधना केन्द्रकी अध्यक्ष यमकुमारी सुवेदीले जानकारी दिनुभयो ।

प्रकाशित मिति: आइतबार, असार ७, २०८३ १२:५९

प्रतिक्रिया दिनुहोस्