बुटवलमा महिला कानुन व्यवसायीलाई एआई र बैंकिङ कानुनबारे तालिम

स्थानीय सेरोफेरो

Home
स्थानीय सेरोफेरो
बुटवलमा महिला कानुन व्यवसायीलाई एआई र बैंकिङ कानुनबारे तालिम

बुटवलमा महिला कानुन व्यवसायीलाई एआई र बैंकिङ कानुनबारे तालिम

बुटवल । महिला कानुन व्यवसायीहरूको पेशागत दक्षता अभिवृद्धि गर्ने उद्देश्यले “अदालती अभ्यासमा एआई को प्रयोग, सार्वजनिक सम्पत्ति तथा बैंकिङ कानुन सम्बन्धी” एकदिने क्षमता विकास तालिम बुटवलमा सम्पन्न भएको छ।

नेपाल बार एसोसिएशन महिला समितिको आयोजना तथा बुटवल उपमहानगरपालिकाको सहयोगमा आयोजित तालिममा बुटवल उपमहानगरपालिकाकी उपप्रमुख सावित्रा अर्याल प्रमुख अतिथिका रूपमा सहभागी हुनुभएको थियो। उहाँले महिला कानुन व्यवसायीहरूलाई प्रविधिसँग नजिक रहेर आफ्नो पेशागत दक्षता अभिवृद्धि गर्न तथा कार्यसम्पादनलाई थप प्रभावकारी बनाउन आग्रह गर्दै सफलताको शुभकामना व्यक्त गर्नुभयो। बदलिँदो समयसँगै कानुनी क्षेत्रले पनि आधुनिक प्रविधिको उपयोगलाई आत्मसात् गर्नुपर्ने आवश्यकता रहेको उहाँको भनाइ थियो।

नेपाल बार एसोसिएशनका केन्द्रीय उपाध्यक्ष कृष्णप्रसाद पोखरेलको अध्यक्षतामा सम्पन्न कार्यक्रममा कदम नेपालको सहजीकरण रहेको थियो। तालिममा विभिन्न जिल्लाका महिला कानुन व्यवसायीहरूको सहभागिता रहेको आयोजकले जनाएको छ।

तालिमका क्रममा अदालती अभ्यासमा कृत्रिम बुद्धिमत्ताको प्रभावकारी प्रयोग, सार्वजनिक सम्पत्तिसम्बन्धी कानुनी व्यवस्था तथा बैंकिङ कानुनका विविध पक्षबारे जानकारी प्रदान गरिएको थियो। सहभागीहरूले तालिमलाई समयानुकूल, व्यावहारिक तथा आफ्नो पेशागत क्षमता विकासका लागि उपयोगी भएको नवलपरासीबाट प्रतिनिधित्व गर्ने कानुन व्यवसायी श्रद्धासुमन आचार्यले बताउनुभयो ।

प्रकाशित मिति: सोमबार, असार ८, २०८३ ०९:०४

प्रतिक्रिया दिनुहोस्