सरावल रजहवा वन बाटिकामा रोटरी क्लवद्वारा बुक्षारोपण

स्थानीय सेरोफेरो

Home
स्थानीय सेरोफेरो
सरावल रजहवा वन बाटिकामा रोटरी क्लवद्वारा बुक्षारोपण

सरावल रजहवा वन बाटिकामा रोटरी क्लवद्वारा बुक्षारोपण

परासी । रोटरी क्लब अफ नवलपरासीले सरावल गाउँपालिका–१ स्थित रजहवा वन बाटिकामा वृक्षारोपण कार्यक्रम सम्पन्न गरेको छ । वातावरण संरक्षण तथा हरियाली प्रवद्र्धन गर्ने उद्देश्यले आयोजित कार्यक्रममा विभिन्न प्रजातिका करिब १०० वटा बिरुवा रोपिएको रोटरी क्लवले जनाएको छ ।

क्लवका बर्ष २०२६—२०२७ का अध्यक्ष लोकप्रसाद भुषालको अध्यक्षता र सरावल गाउँपालिकाका अध्यक्ष सुखाडीप्रसाद चौधरीको प्रमुख आतिथ्यमा कार्यक्रम गरिएको हो । सो अवसरमा क्लबका संस्थापक अध्यक्ष सुमनगोपाल आचार्य, रजहवा शान्ति वन बाटिका तथा अनुसन्धान केन्द्रका संस्थापक अध्यक्ष कृष्णप्रसाद भुसाल, क्लबका निवर्तमान अध्यक्ष सुनिल कसौधन, कार्यक्रमका संयोजक त्रिलोकीनाथ गुप्ता लगायतले वृक्षारोपणको महत्व, वातावरण संरक्षण र पर्यावरण जोगाउन समुदायले खेल्नुपर्ने भूमिकाबारे बताउनु भएको छ ।

कार्यक्रमलाई सम्बोधन गर्दै सरावल गाउँपालिकाका अध्यक्ष चौधरीले रोटरी क्लब अफ नवलपरासीले विगतदेखि नै गाउँपालिकासँग सहकार्य गर्दै सामाजिक तथा वातावरणीय क्षेत्रमा उल्लेखनीय योगदान पु¥याउँदै आएको उल्लेख गर्दै आगामी दिनमा पनि यस्तो सहकार्यलाई निरन्तरता दिने विश्वास व्यक्त गर्नुभएको कार्यक्रम सञ्चालक एवं क्लवकी महासचिव सुमित्रा चौधरीले नेपाली चेली अनलाईनलाई जानकारी दिनुभयो ।

प्रकाशित मिति: शनिबार, साउन १६, २०८३ १२:०७

प्रतिक्रिया दिनुहोस्