नेकपा एमालेले देशव्यापी रुपमा पार्टीमा संगठन सुदृढिकरण अभियान सुरु गर्ने भएको छ । ‘मिसन ग्रासरुट’ नाम दिइएको अभियान फागुन र चैत महिनाभरी सञ्चालन भएर नेपाल कम्यूनिष्ट पार्टीको स्थापना दिवश बैशाख ७ गते समापन हुनेछ ।
माघ २६ गते बसेको पार्टी केन्द्रीय सचिवालयको बैठकले मिसन ग्रास रुट सञ्चालन गर्ने निर्णय गरेको हो । यस अभियानको नेतृत्व सातै प्रदेशमा पार्टीका सचिवहरुले गर्नेछन् । त्यसको अनुगमनमा पार्टीका उपाध्यक्षहरुलाई खटाइएको छ । पार्टी स्थायी कमिटीका सदस्यहरुलाई पनि सातै प्रदेशमा अभियानमा सहभागी हुन विशेष जिम्मेवारी दिएर खटाइएको पार्टी केन्द्रीय कार्यलयले जनाएको छ ।
देशैभरी खटिएका पार्टीका उपाध्यक्ष सचिव र केन्द्रीय सदस्यहरुको काममा सहजिकरण गर्नका लागि केन्द्रीय कार्यालय पनि गठन गरिएको छ । महासचिव शंकर पोखरेलको संयोजकत्वमा गठित उक्त कार्यालयमा तीनजना उपमहासचिवहरु पृथ्वी सूब्बा गुरुङ,प्रदिप ज्ञवाली र विष्णु रिमाल र कार्यालय सचिव डा।भिष्म अधिकारीलाई खटाइएको छ ।
पार्टीका नेताको कार्यशैली र संगतले गर्दा जनतासँगको सम्बन्ध टुट्दै गएको निष्कर्ष निकालेको एमालेले मिसन ग्रासरुटमा जनतासँग एमालेलाई जोड्ने तन्तु हरुको खोजी गर्ने उद्धेश्य राखेको छ । जसमा पार्टी सदस्यता नविकरण र विस्तार मार्फत आधारभुत तहमा पार्टी सदस्यहरुको वास्तविक तथ्यांक,उनीहरुको अवस्था,पालिका,वडा र टोल कमिटीको क्रियाशिलता र वास्तविक जानकारी लिने उद्धेश्य एमालेले राखेको छ ।
पार्टी प्रकाशन गरेको मिसन ग्रासरुट निर्देशिका अनुसार पार्टीको आधारभुत पंक्तिलाई पार्टीका आाधारभुत सिद्धान्तका बारेमा प्रशिक्षित गरिने छ । यसैगरी स्थानीय तहमा व्याप्त अन्तरविरोधको हल गर्ने उपाय सहितको सिफारिस पालिका स्तरमा खट्ने केन्द्रीय सदस्यहरुलाई बुझाउनु पर्नेछ । निेर्देशिकामा उल्लेख भए अनुसार पार्टीमा सम्भवनायुक्त नयाँ पुस्ताको प्रवेशलाई विशेष प्राथमिकतामा राखिनेछ । निर्देशिकामा उल्लेख भए अनुसार अभियान पश्चात् पार्टीको प्रभाव विस्तार हुनेछ भने पार्टी अनुशासित र एकताबद्ध हुनेछ । जसले गर्दा पार्टीको सङ्गठनात्मक अवस्था सुदृढ हुने विश्वास लिइएको छ ।
अभियान मुख्यत पालिका तहमा केन्द्रित हुनेछ । यस अभियानका लागि पार्टीका पोलिटव्यूरो सदस्य र केन्द्रीय सदस्यहरुलाई सघन रुपमा पालिकाहरुमा परिचालन गनिरे उद्धेश्य राखिएको छ । तर यसरी खटाउदा हाल कार्यरत जिल्ला भन्दा फरक जिल्लामा केन्द्रीय सदस्यहरुलाई परिचालन गरिने पार्टी केन्द्रले जनाएको छ ।
केन्द्रीय सदस्यहरुले कम्तीम ६ वटा विषयमा प्रशिक्षण दिनुपर्ने छ । जस अनुसार दशौं महाधिवेशनको कार्यदिशा, दक्षिणपन्थी अवसरवाद र संगठनात्मक अराजकता विरुद्धको बैचारिक संघर्ष, विभिन्न राजनीतिक दलहरुसँग एमालेका बैचारिक भिन्नताहरु रहेका छन् ।
यसैगरी पार्टी निर्माण सम्बन्धी माक्र्सवादी दृष्टिकोण र पार्टी सदस्यका काम,कर्तव्य र कार्यशैली,समृद्ध नेपाल,सुखी नेपाली सम्बन्धी अवधारणा र समाजवादका आधार निर्माण सम्बन्धी पार्टी अवधारणा रहेका छन् । यसैगरी समसामयिक राजनीतिक परिस्थिती र पार्टी दृष्टिकोणका बारेमा पालिका तहका नेता कार्यकर्ताहरुलाई केन्द्रीय सदस्यहरुले प्रशिक्षण दिनु हुने छ । एकजन केन्द्रीय सदस्यलाई कम्तीमा दुईवटा पालिका जिम्मा दिने तयारी गरिएको छ ।
# Yobela
