नेकपा एमालेको मिसन ग्रास रुट अभियान जारीः कार्यकर्ताको ग्रास रुट पङ्ती निकै उत्साहित

राजनीति

Home
राजनीति
नेकपा एमालेको मिसन ग्रास रुट अभियान जारीः कार्यकर्ताको ग्रास रुट पङ्ती निकै उत्साहित

नेकपा एमालेको मिसन ग्रास रुट अभियान जारीः कार्यकर्ताको ग्रास रुट पङ्ती निकै उत्साहित

नेकपा एमालेको जारी मिसन ग्रास रुट अभियान अन्र्तगत शनिवार पश्चिम नवलपरासीका विभिन्न पालिकाहरुमा कार्यक्रमहरु सम्पन्न भएका छन् । पार्टीका विभिन्न जनवर्गिय तथा पेशागत संगठनहरु परिचालन भएको एमाले नवलपरासीले जनाएको छ । पार्टी सदस्यता नविकरण, संगठीत सदस्यहरुको अवस्था विश्लेषण, गठन भएका कमिटिहरु सक्रियता भए नभएको बारे जानकारी लिने र पार्टीको अवस्थाबारे यथार्थ र वस्तुनिष्ठ मूल्याङ्कन हुने बनाइएको छ ।
यसैवीच, शनिवार वर्दघाट नगरपालिकाको वडा नं. ११, १४ र १६ मा वडा भेला गरिएको वर्दघाट नगर कमिटिका अध्यक्ष रविन्द्र विक्रम हमालले जानकारी दिनू भएको छ ।

यस्तै सुनवल नगरपालिकामा नगर स्तरीय भेला सम्पन्न भएको छ । भेलाले आगामी २ महिनाको संगठन विस्तारको कार्ययोजना तय गरेको छ । सम्पन्न भेलाले अन्तराष्ट्रिय श्रमिक महिला दिवसको अवसरमा फागुन २४ गते नारी दिवस मनाउने निर्णय गरेको छ । यस्तै फागुन २७ गते मजदुर भेला र चैत्र ४ गते सुनवल नगर स्तरीय प्रशिक्षण कार्यक्रम गर्ने निर्णय भएको नगर अध्यक्ष दुर्गा सुवेदीले वताउनु भयो ।

पश्चिम नवलपरासीका सातैवटा पालिका कमिटी, वडा कमिटि तथा जनवर्गिय संगठनहरु व्यापक मात्रामा परिचालन गरी पार्टी सुदृढिकरण तथा विस्तार अभियान संचालन भइरहेको नेकपा एमाले जिल्ला कमिटिका उपसचिव राजकुमार आचार्यले जानकारीदिनु भयो । पार्टीले संचालन गरेको कार्यक्रममा कार्यकर्ताको ग्रास रुट पङ्ती निकै उत्साहित भएको आचार्यले बताउनु भयो ।

एमालेले फागुन ५ गतेदेखि मिसन ग्रास रुट अभियान शुरु गरेको हो भने अभियान आगामी बैशाख ९ गते अर्थात पार्टी स्थापना दिवससम्म संचालन हुने बताइएको छ ।

प्रकाशित मिति: शनिबार, फागुन २०, २०७९ २२:००

प्रतिक्रिया दिनुहोस्