परासीमा विश्व उपभोक्ता अधिकार दिवस मनाइयाे, उपभोक्ता सचेतनालाई प्राथमिकता दिनु पर्नेमा जाेड

स्थानीय समाचार

Home
स्थानीय समाचार
परासीमा विश्व उपभोक्ता अधिकार दिवस मनाइयाे, उपभोक्ता सचेतनालाई प्राथमिकता दिनु पर्नेमा जाेड

परासीमा विश्व उपभोक्ता अधिकार दिवस मनाइयाे, उपभोक्ता सचेतनालाई प्राथमिकता दिनु पर्नेमा जाेड

परासीमा बुधवार विश्व उपभोक्ता अधिकार दिवस कार्यक्रम मनाइएको छ । वहुसरोकारवालाहरुको उपस्थितिमा भएको कार्यक्रममा उपभोक्ता सचेतनालाई वढी प्राथमिकता दिनु पर्नेमा बक्ताहरुले जोड दिएका थिए । जिल्ला प्रशासन कार्यालय, नवलपरासीका सहायक प्रमुख जिल्ला अधिकारी प्रकाश देवकोटाको अध्यक्षता र वर्दघाट नगरपालिकाका नगरउप्रमुख रुद्रप्रसाद उपाध्यक्षको प्रमुख आतिथ्यतामा दिवस मनाइएको हो । सो अवसरमा नगरउपप्रमुख उपाध्यायले बजार अनुगमन गर्न खोज्दा व्यवसायीहरुको धम्की आउने गरेको गुनासो गर्नु भएको थियो । कार्यक्रममा घरेलु तथा साना उद्योग कार्यालय नवलपरासीका उद्योग अधिकृत गंगाधर पान्डेले उपभोक्ता अधिकारको क्षेत्रमा कार्यालयले निर्वाह गरेको भूमिकाबारे सहजिकरण गर्नु भएको थियो ।

यस्तै कार्यक्रममा उपभोक्ता हित संरक्षण मंचका केन्द्रीय सदस्य रामजी ज्ञवालीले स्थानीय तहले कानून बनाएर बजार नियन्त्रण गर्ने, अनुगमन गर्ने, नियमन गर्ने र कर उठाउने काम गर्नु पर्ने हुन्छ तर पालिकाले ऐन नै बनाउन नसकेको बताउनु भएको छ ।

सो कार्यक्रममा जिल्ला प्रहरी कार्यालयका प्रहरी नायव उपरिक्षक एव‌ सूचना अधिकारी भोजराज पाण्डेले “हामी सवै उपभोक्ता भएकोले एकले अर्कालाई दोषारोपण गर्नु भन्दा नियमनमा सहभागी हुन आग्ह गर्नु भयो । ” उहाँले नियम विपरित काम गर्नेलाई समातकै क्षण विभिन्न व्यक्तिहरुको दवाममूलक फोन आउने गर्दा ठीक ढंगले नियमन गर्न नसकिएको प्रति चिन्ता व्यक्त गर्नु भएको छ ।

कार्यक्रममा नेपाल पत्रकार महासंघ नवलपरासीका अध्यक्ष हरि शर्मा, उद्योग वाणिज्य संघका निर्वतमान महासचिव गिरिराज पान्डे, नेपाल मदिरा एसोशिएसनका अध्यक्ष हरि भण्डारी, नेपाल नाइसंघ नवलपरासीका अध्यक्ष बिरेन्द्र ठाकुर, नमुना महिला समाजका अध्यक्ष सरीता पौडेल, मानव अधिकारकालागि एकल महिला समाजकी अध्यक्ष विष्णु थापा, स्थानीय व्यापरी उमेश यादव लगायतले उपभोक्ता अधिकारका विषयमा चर्चा गर्नु भएको थियो ।
सो अवसरमा नेपाल घरेलु तथा साना उद्योग महासंघ लगायतका विभिन्न पेशागत महासंघका प्रतिनिधिहरुको उपस्थिति रहेको थियो ।