पश्चिम नवलपरासीको रामग्राम नगरपालिकाले चालु आर्थिक वर्ष २०७९।८० को ७ महिना भित्र भए गरेको विकास निर्माण र सेवा प्रवाह सम्बन्धी सार्वजनिक सुनुवाइ सम्पन्न्र गरेकाे छ ।
कार्यक्रममा स्थानियवासीहरुले समस्याहरु राख्दै दुबान नियन्त्रण, शुद्ध खानेपानीकाे व्यवस्था, शैक्षिक स्तर सुधार, भुमिहिन सुकुमबासीहरुका लागि लालपूजाको व्यवस्था, मलखाद समयमा उपल्बध, अपाङ्गगकालागि सेवा सुबिधाको उपलब्धता लगायतको माग राखेका छन् ।
रामग्राम नगरपालिकाका नगर प्रमुख धनपद यादवले स्थानीयवासिहरुले राखेका समस्याहरुलाई सम्बोधन गर्दे समस्या समाधानका लागि नगर प्रतिवद्व रहेको बताउनु भयो । यस्तै रामग्राम नगरपालिकाको प्रमुख प्रशासकिय अधिकृत मानबहादुर खड्काले चालु आर्थिक वर्षको आर्थिक प्रतिवेदन प्रस्तुत गर्नु भएको थियो । यसैगरी रामग्राममा नगरपालिकाका नगर उपप्रमुख सम्झना चौधरीले नगरले अपाङ्ग परिचय पत्र उपलब्ध गराइरहेको जसमा अपाङ्गता परिचय पत्र कार्ड रहेको बताउनु भयाे। रातो, पहिलो, निलो र सेतो कार्ड रहेको नगरले अपाङ्गताहरुलाई सोहि कार्ड अनुसार सेवा प्रदान गरीरहेको बताउनु भयो । उहाँले अपाङ्गता कार्ड नपाएकाहरुलाई यथाशीघ्र लिनकालागि अनुरोध गर्नु भएको छ ।
यसैगरि कार्यक्रममा भष्ट्राचार बिरुद्ध निगरानी समूह नवलपरासीका जिल्ला अध्यक्ष रामजी ज्ञवाली, रामग्राम नगरपालिका वाड नं. १४ का वडा अध्यक्ष ओमप्रकाश यादव, वाड नं.१५ का वडा अध्यक्ष धनपत यादव, वडा नं. ११ का वडा अध्यक्ष धनिराम यादव, वाड नं. ४ का वडा अध्यक्ष पदम यादव लगायतले मन्तव्य राख्नु भएको थियो ।
कार्यक्रममा नगरपालिकाका वडा सदस्यहरु तथा कर्मचारी लगायतको सहभागिता रहेको थियो । साे कार्यक्रमकाे संस्थागत सहजिकरण सामुदायिक रेडियो परासी ९०.२मेगार्हजले गरेको थियाे भने कार्यक्रम संचालन रेडियो परासीका स्टेशन म्यानेजर विकास अधिकारीले गर्नु भएको थियो ।
