सुनवलमा पाल्हीनन्दनका महिलाहरुको नेतृत्व विकास सम्बन्धी २ दिने कार्यशाला सम्पन्न

स्थानीय समाचार

Home
स्थानीय समाचार
सुनवलमा पाल्हीनन्दनका महिलाहरुको नेतृत्व विकास सम्बन्धी २ दिने कार्यशाला सम्पन्न

सुनवलमा पाल्हीनन्दनका महिलाहरुको नेतृत्व विकास सम्बन्धी २ दिने कार्यशाला सम्पन्न

सुनवल सामुदायिक विकास केन्द्रको आयोजनामा र यूनाइटेड मिसन टु नेपालको आर्थिक सहयोगमा संचालित लैङ्गिक समानता परियोजना अन्तर्गत महिलाहरुको नेतृत्व शीप विकास सम्बन्धी दुई दिने कार्यशाला सुनवलमा सम्पन्न भएको छ।
पाल्हीनन्दन गाउँपालिका वडा नं. ५ र ६ का विभिन्न समुहहरुमा आबद्ध ३० जना महिलाहरुलाई व्यत्तित्व र नेतृत्वको भुमिकाको विषयमा कार्यशाला गरिएको हो । महिलाहरुको ज्ञान, शीप र धारणामा परिवर्तन ल्याउन कार्यशाला गरिएको सामाजिक परिचालिका राधिका थारुले जानकारी दिनुभएको छ।

कार्यक्रममा सामाजिक मूल्य र मान्यताको चक्र बनाएर उदाहरणसहित महिलाहरुलाई नेतृत्वमा पुग्न आइपर्ने चुनौतीका बारेमा व्यवहारिक ज्ञान प्रदान गरिएको छ । महिलाहरु नेतृत्वमा पुग्न लैङ्गिक व्यवहारमा पूर्णतया परिवर्तन ल्याउनुपर्ने कार्यक्रममा सहभागी लखपति चौधरीले बताउनु भयो ।

समूहमा आवद्ध महिलाहरुलाई कार्यशालामा नेतृत्व शीप सम्बन्धी खेलहरू,असल नेतृत्वका गुणहरु र महिलालाई नेतृत्वमा पुग्न नदिने कारणहरुको खोज सम्बन्धी व्यवहारिक ज्ञान प्रदान गरिएको छ । सो कार्यक्रमको सहजीकरण यूनाइटेड मिसन टु नेपालकी परियोजना व्यवस्थापक कविता गुरुङले गर्नुभएको परियोजना संयोजक ज्योति सिंह रायले जानकारी दिनुभयो। पाल्हीनन्दनमा संचालित लैङ्गिक समानता परियोजना आगामी ३ बर्षसम्म चल्ने संस्थाले जनाएको छ ।