टुङ्गियो सत्ता बाँडफाँडः रास्वपा सरकारमा जान नपाउने

राजनीति

Home
राजनीति
टुङ्गियो सत्ता बाँडफाँडः रास्वपा सरकारमा जान नपाउने

टुङ्गियो सत्ता बाँडफाँडः रास्वपा सरकारमा जान नपाउने

बुधबार साँझ बालुवाटारमा बसेको दश दलीय गठबन्धनको बैठकले ९ दल सरकारमा सहभागी हुने निर्णय गरेको हो ।मन्त्रालय भागवण्डामा लामोसमय खर्चेका सत्ता गठबन्धनमा आबद्ध दलहरूले बुधवार मन्त्रालय बाँडफाँटको टुङ्गो लगाएका छन् । प्रधानमन्त्री निवास बालुवाटारमा बसेको दलहरूको बैठकले मन्त्रालय बाँडफाँट गरेको बैठकमा सहभागी जनता समाजवाद पार्टीका नेता राजेन्द्र श्रेष्ठले जानकारी दिनुभयो ।

नेता श्रेष्ठका अनुसार कांग्रेसलाई ८ मन्त्रालय, माओवादी केन्द्रलाई प्रधानमन्त्रीसहित ५, नेकपा एकीकृत समाजवादीलाई २, जसपालाई २, लोकतान्त्रिक समाजवादी पार्टीलाई १, नागरिक उन्मुक्ति पार्टीलाई १, आम जनता पार्टीलाई १, जनमत पार्टीलाई १ राज्यमन्त्रीसहित १ मन्त्रालय र नेपाल समाजवादी पार्टीलाई १ मन्त्रालयमा सहमति जुटेको हो । संख्याका हिसावले मन्त्रालयको बाँडफाँड गरिएपनि अझै कुन दललाई कुन मन्त्रालय दिने भन्नेबारे यकिन भइनसकेको नेता श्रेष्ठले जानकारी दिनु भएका हो ।

यसैबीच प्रधानमन्त्री पुष्पकमल दाहाल प्रचण्ड नेतृत्वको सरकारमा राष्ट्रिय स्वतन्त्र पार्टी पुनः सहभागी हुन नपाउने भएको छ । बुधबार साँझ बालुवाटारमा बसेको दश दलीय गठबन्धनको बैठकले ९ दल सरकारमा सहभागी हुने निर्णय गरेको हो । भोलि बिहीवार सरकार विस्तार गरेर भोलि नै शपथ ग्रहण गराउने तयारी भएको पनि नेता श्रेष्ठले बताउनु भएको छ ।

प्रकाशित मिति: बुधबार, चैत १५, २०७९ १८:५७

प्रतिक्रिया दिनुहोस्