६६ औं राष्ट्रिय सहकारी दिवस २०७९ को पूर्वसन्ध्यामा शुक्रवार परासीमा सहकारीको अवस्था विषयक जिल्ला स्तरीय अन्तरक्रिया कार्यक्रम गरिएको छ । परासी सूचना तथा संचार सहकारी संस्थाद्धारा संचालित सामुदायिक रेडियो परासी ९०.२ मेगाहर्जका अध्यक्ष सुमन गोपाल आचार्यको अध्यक्षता तथा जिल्ला सहकारी संघका अध्यक्ष विष्णुप्रसाद पौडेलको प्रमुख आतिथ्यमा कार्यक्रम गरिएको हो ।
अन्तरक्रिया कार्यक्रममा रामग्राम नगरपालिका, सुनवल नगरपालिका र वर्दघाट नगरपालिकाका सहकारी अधिकृतहरुले पालिकाको सहकारी अवस्था बारे प्रस्तुती गरेका थिए । कार्यक्रममा रामग्राम नगरपालिकाका सहकारी अधिकृत रामशुवास गुप्ता, सुनवल नगरपालिकाका सहकारी अधिकृत खेमराज ढकाल र वर्दघाट नगरपालिकाका सहकारी अधिकृत कृष्ण प्रसाद मरासिनीले पालिकाको सहकारी अवस्थाबारे प्रस्तुतीकरण गर्नु भएको थियो ।
सहकारी संस्थाहरु पालिका, प्रदेश र संघ स्तरका हुने वताइएको छ । जस अनुसार सुनवलमा ५१ वटा, वर्दघाटमा २६ वटा, रामग्राममा ३३ वटा पालिका स्तरका सहकारी रहेको वताइएको छ ।
पश्चिम नवलपरासीका पाल्हीनन्दन, सरावल, प्रतापपुर र सुस्ता गाउँपालिकाका सहकारी अधिकृतहरुलाई पनि औपचारिक निमन्त्रणा गरेको भएपनि कार्यक्रममा भने उपस्थित भएका थिएनन् ।
कार्यक्रममा जिल्ला बचत तथा ऋण संघ अध्यक्ष राजन आचार्य, नेप्सकुन सदस्य विभागका सदस्य लेखनाथ खरेल, जिल्ला सहकारी संघका सदस्य पुरनप्रसाद चौधरी, ग्रामीण बचत तथा ऋण सहकारी संस्था वर्दघाटका उपाध्यक्ष सुरज केसी, भूमही दुग्ध उत्पादक सहकारी संस्थाका व्यवस्थापक अग्निधर भुषाल, जिल्ला सहकारी संघका व्यवस्थापक शेषनारायण पटेल, नन्दन महिला बचत तथा ऋण सहकारी संस्था पाल्हीननदनकी सहायक व्यवस्थापक ज्यातिमाया ढँुङ्गाना लगायतले सहकारीहरुको वर्तमान अवस्थाबारे चर्चा गर्नु भएको थियो ।
कार्यक्रमको सामुदायिक रेडियो परासीले प्रत्यक्ष प्रसारण गरेको थियो भने सहजिकरण प्रवन्ध निर्देशक मेघराज गौतमले गर्नु भएको थियो ।
