पश्चिम नवलपरासीमा चालु आर्थिक वर्षको ९ महिनामा सवारी दुर्घटनामा परी २५ जनाको मृत्यु

स्थानीय समाचार

Home
स्थानीय समाचार
पश्चिम नवलपरासीमा चालु आर्थिक वर्षको ९ महिनामा सवारी दुर्घटनामा परी २५ जनाको मृत्यु

पश्चिम नवलपरासीमा चालु आर्थिक वर्षको ९ महिनामा सवारी दुर्घटनामा परी २५ जनाको मृत्यु

डोल्मा चौधरी

पश्चिम नवलपरासीमा सवारी दुर्घटनामा परी ज्यान गुमाउनेहरुको संख्या बढ्दै गइरहेको छ । चालु आर्थिक वर्षको ९ महिनामा १९० वटा सवारी दुर्घटना भएको जिल्ला प्रहरी कार्यालय नवलपरासीले जनाएको छ भने गएको ९ महिनामा २५ जनाले सवारी दुर्घटनामा ज्यान गुमाएका छन् ।

ज्यान गुमाउनेहरुमा १९ जना पुरुष छन् भने ४ जना महिला र २ जना बालक रहेको जिल्ला प्रहरी कार्यालयका डिएसपि एवं सूचना अधिकारी भोजराज पाण्डेले जानकारी दिनु भएको छ । दुर्घटनामा पर्ने सवारी साधन मध्ये सबैभन्दा बढि मोटरसाईकल\स्कुटर रहेका छन् । जसमा मोटर साइकल\स्कुटर सवारी साघनले मात्रै १३७ वटा दुर्घटना भएको प्रहरिले जनाएको छ । यस्तै बसबाट १३, जिप कारबाट १२, ट्रकबाट ८, ट्रिपर र ट्रयाक्टर बाट ७, ट्याम्पोबाट ६ ,माईक्रो बसबाट ३ र अन्य ९ वटा गरी सवारी दुर्घटनामा संलग्न सवारी साधन रहेका छन्न् ।

सवरी दुर्घटना पर्नुको मुख्य कारण मादक पदार्थको सेवन र लागू औषधको प्रयोगदेखिएको छ भने तीब्र गति, सडकको वर्तमान अवस्था, अशुरक्षित सवारी चालन , लाइसेन्स बिना सवारी साघन चलाउने गर्दा बढि दुर्घटना भइरहेको सुचना अधिकारी पाण्डेले बताउनु भयो । आर्थिक वर्षको साउन्न महिनामा २८ वटा सवारी साघन दुर्घटनामा परेका थिए । यस्तै भाद्र महिनामा १८ , असोजमा २२ , कार्तिकमा ३७, मंसिरमा १५, पौषमा २० माघमा १८ फाल्गुनमा १७ चैत्रमा १५ गरि ९ महिनाको अवधिमा १९० वटा सवारी साघन दुर्घटना भएको र सबैभन्दा बढि सवारी साधनको दुर्घटना कार्तिक महिनामा भएको जिल्ला प्रहरी कार्यालयले जनाएको छ ।