तनहुँ १ मा स्वर्णिम वाग्‍ले विजयी

राजनीति

Home
राजनीति
तनहुँ १ मा स्वर्णिम वाग्‍ले विजयी

तनहुँ १ मा स्वर्णिम वाग्‍ले विजयी

फाइल फोटो

तनहुँ १ मा राष्ट्रिय स्वतन्त्र पार्टी (रास्वपा) का उम्मेदवार डा. स्वर्णिम वाग्ले फराकिलो मतान्तरसहित विजयी हुनु भएको छ । हालै नेपाली कांग्रेस परित्याग गरी रास्वपाबाट प्रतिनिधिसभा सदस्यमा उम्मेदवार बन्नु भएका वाग्लेले कांग्रेस उम्मेदवार गोविन्द भट्टराईलाई १४ हजार ३ सय ८८ मतले हराउनु भएको हो ।

वाग्लेले ३४ हजार ४ सय ८० मत ल्याउँदा भट्टराईले २० हजार ९२ मत प्राप्त गर्नु भएको छ। तेस्रो स्थानमा रहेका नेकपा एमालेका सर्वेन्द्र खनालले ८ हजार ५ सय ५५ मत प्राप्त गर्नु भएको छ ।

तनहुँ १ मा १ लाख २३ हजार ३ सय ५ जना मतदाता छन्। आइतबार भएको उपनिर्वाचनमा ६५ हजारभन्दा बढी मत खसेको थियो। वाग्लेले कुल सदर मतको ५२ प्रतिशतभन्दा बढी हासिल गर्नु भएको छ । दोस्रो स्थानमा रहेका भट्टराईले ३० प्रतिशत मत ल्याउँदा खनालको मत प्रतिशत १३ रहेको छ।

गत मंसिर ४ को आमनिर्वाचनमा तनहुँ १ मा कांग्रेसबाट रामचन्द्र पौडेल निर्वाचित हुन भएको थियो । उहाँ राष्ट्रपति बनेपछि उपनिर्वाचन गरिएको हो। मंसिरको निर्वाचनमा पौडेल २५ हजार ३ सय ६१ मत प्राप्त गरेर विजयी हुनु भएको थियो । त्यति बेला एमालेका एकबहादुर राना मगरले १९ हजार ९ सय ८१, स्वतन्त्र उम्मेदवारी दिएका गोविन्दराज जोशीले ६ हजार ८ सय ८६ र राष्ट्रिय स्वतन्त्र पार्टीका विकास सिग्देलले ६ हजार ४४ मत प्राप्त गर्नु भएको छ ।

Gharelu office