लुम्बिनी प्रदेशमा बहुमतको सरकार गठनका लागि आह्वान

राजनीति

Home
राजनीति
लुम्बिनी प्रदेशमा बहुमतको सरकार गठनका लागि आह्वान

लुम्बिनी प्रदेशमा बहुमतको सरकार गठनका लागि आह्वान

फाइल फोटो

लुम्बिनी प्रदेशका प्रमुख अमिक शेरचनले बहुमतको सरकार गठनका लागि आह्वान गर्नुभएको छ। संविधानको धारा १६८(२) अनुसार नयां सरकार गठनका लागि प्रदेश प्रमुख शेरचनले दलहरुलाई आव्हान गर्नुभएको हो।

बैशाख १४ गते ४ बजेसम्म २ वा दुई भन्दा बढी दलको वहुमत जुटाएर सरकार बनाउन आह्वान गरेको प्रदेश प्रमुखको कार्यालयका सचिव प्रल्हाद पोखरेलले विज्ञप्ति मार्फत जानकारी गराउनु भएको छ।

यसअघि नै नेपाली कांग्रेस र माओवादी केन्द्रसहित ८ दल र एक स्वतन्त्र गरी ५३ सांसदहरुले कांग्रेस नेता डिल्ली चौधरीलाई संविधान बमोजिम मुख्यमन्त्री नियुक्त गर्न निवेदन पेश गरिसकेका छन् ।

८७ सदस्यीय लुम्बिनी प्रदेश सभामा एमालेका २९, नेपाली काँग्रेसका २७, माओवादीका १०, राप्रपाका र नागरिक उन्मुक्ति पार्टीका ४–४ जना, जनमत पार्टी,जनता समाजवादी पार्टी र लोकतान्त्रिक समाजवादी पार्टीका ३–३ जना, राष्ट्रिय जनमोर्चा र नेकपा एकीकृत समाजवादीका एक–एकजना र स्वतन्त्र एक सांसद रहेका छन् ।

Gharelu office