उपनिर्वाचन अपडेटः जसपा अध्यक्ष उपेन्द्र यादव बारा २ मा विजयी

राजनीति

Home
राजनीति
उपनिर्वाचन अपडेटः जसपा अध्यक्ष उपेन्द्र यादव बारा २ मा विजयी

उपनिर्वाचन अपडेटः जसपा अध्यक्ष उपेन्द्र यादव बारा २ मा विजयी

फाइल फोटो

प्रतिनिधिसभा सदस्य उपनिर्वाचनमा बारा २ बाट जनता समाजवादी पार्टीका अध्यक्षसमेत रहेका उपेन्द्र यादव विजयी हनु भएको छ । यादवले निकटतम् प्रतिस्पर्धी जनमत पार्टीका उम्मेदवार शिवचन्द्रप्रसाद कुशवाहालाई ५ हजार ८१ मतले पराजित गर्नु भएको हो ।

जिल्ला निर्वाचन कार्यालय बाराका प्रमुख सरोजकुमार चौधरीका अनुसार विजयी उम्मेदवार यादवले २८ हजार ४ सय १५ मत पाउँदा कुशवाहाले २३ हजार ३ सय ३४ मत पाए । त्यस्तै तेस्रो स्थानमा रहेका एमालेका पुरुषोत्तम पौडेलले १० हजार २ सय १६ मत प्राप्त गर्नु भएको छ ।

पूर्वडीआईजीसमेत रहेका राष्ट्रिय स्वतन्त्र पार्टीका रमेश खरेलले २ हजार ८ सय २९ मत मात्र प्राप्त गर्नु भयो । यस्तै आम जनता पार्टीका उम्मेदवार अरुणकुमार ज्ञवालीले २ हजार ७ सय ३८ मत प्राप्त गर्दा राष्ट्रिय प्रजातन्त्र पार्टीका उम्मेदवार सोनालाल साहले ११९ मत, नागरिक उन्मुक्ति पार्टीका कमरुल्लाह अन्सारीले १ सय ९ मत पाउँदा नेपाल मजदुर किसान पार्टीका उम्मेदवार मुक्ति यादवको ६० मात्रै मत पर्‍यो ।

बारा २ मा कुल ६९ हजार १ सय ७ मत खसेको थियो । बारा २ मा मुख्य प्रतिस्पर्धामा रहेका ५ उम्मेदवारमध्ये ४ जना यसअघि मंसिर ४ मा पराजित उम्मेदवार हुन् । उपेन्द्र यादव सप्तरी २ मा जनमत पार्टीका अध्यक्ष सीके राउतसँग पराजित हुनु भएको थियो ।

Koseli Ghar