गण्डकी प्रदेशको मुख्यमन्त्रीमा नेपाली कांग्रेसका नेता सुरेन्द्रराज पाण्डे नियुक्त

राजनीति

Home
राजनीति
गण्डकी प्रदेशको मुख्यमन्त्रीमा नेपाली कांग्रेसका नेता सुरेन्द्रराज पाण्डे नियुक्त

गण्डकी प्रदेशको मुख्यमन्त्रीमा नेपाली कांग्रेसका नेता सुरेन्द्रराज पाण्डे नियुक्त

फाइल फोटो

गण्डकी प्रदेशको मुख्यमन्त्रीमा नेपाली कांग्रेस संसदीय दलका नेता सुरेन्द्रराज पाण्डे नियुक्त हुनुभएको छ । प्रदेश प्रमुख पृथ्वीमान गुरुङले पाण्डेलाई विहिबार संविधानको धारा १६८ को उपधारा २ अनुसार मुख्यमन्त्रीमा नियुक्त गर्नु भएको हो ।

गण्डकीमा नयाँ सरकार गठनका लागि विहिवार नै दाबी पेश गरिएको थियो । पाण्डे माओवादी केन्द्र र एकीकृत समाजवादीको समर्थनमा मुख्यमन्त्री नियुक्त हुनु भएको हो । गण्डकीमा सत्ता साझेदार दलबीच आलोपालो सरकारको नेतृत्व लिने सहमति अनुसार पहिलो चरणमा पाण्डेले नेतृत्व गर्ने सहमति भएको छ ।

६० सदस्यीय प्रदेशसभामा सरकार गठनका लागि ३१ सांसदको आवश्यक पर्छ । संसदमा सबैभन्दा ठूलो दल कांग्रेसको २७ सिट छ । सभामुख सहित माओवादीको ८ र एकीकृत समाजवादीको एक सिट छ ।प्रदेश प्रमुखलाई मुख्यमन्त्री दाबी गर्दै ३५ जनाको हस्ताक्षर बुझाइएको थियो ।

यसअघि गत पुस २५ मा एमालेका खगराज अधिकारी मुख्यमन्त्री नियुक्त हुनु भएको थियो । राष्ट्रपति निर्वाचनलाई लिएर बनेको नयाँ सत्ता समीकरण अनुसार सरकारबाट माओवादी बाहिरिएपछि अधिकारी नेतृत्वको सरकार अल्पमतमा परेको थियो ।

Gharelu office