रामग्राममा वुद्ध जयन्तीकाे अवसरमा पहिलो पटक धातु जात्रा निकालिंदै

स्थानीय समाचार

Home
स्थानीय समाचार
रामग्राममा वुद्ध जयन्तीकाे अवसरमा पहिलो पटक धातु जात्रा निकालिंदै

रामग्राममा वुद्ध जयन्तीकाे अवसरमा पहिलो पटक धातु जात्रा निकालिंदै

फाइल फाेटाे

रामग्राम नगरपालिकाले २५६७ अेाे‌ वुद्ध जयन्ती भव्य रुपमा मनाउने तयारी थालेको छ । नगरपालिकाले बैशाख २१ र २२ गते दुई दिन विभिन्न कार्यक्रमको आयोजना गरी बुद्धजयन्ती मनाउने लागेको हो । नगरपालिकाले लुम्बिनी विकास कोष र पालिका भित्रका विभिन्न सरोकारवाला संघसंस्थाहरुसँगको बैठकले पहिलो पटक धातु जात्रा सहित वुद्ध जयन्ती मनाउने तयारी गरेको हो ।

रामग्राम नगरपालिका वडा नं. १८ मा रहेको प्राचिन कोलिय गणराज्यको राजधानी पण्डितपुर देखि गौतम वुद्धको एक मात्र सिंगो अस्तुधातु रहेको रामग्राम स्तुपासम्म धातु जात्रा निकाल्ने तयारी गरिएको नगरप्रमुख धनपत यादवले बताउनु भयो । नगरप्रमुख यादवले आफू निर्वाचित भएर आएपछि रामग्राम स्तुपाको गुरुयोजना बनाउने, बुद्ध स्थलको संरक्षण र प्रचारप्रसारकालागि प्रदेश र संघीय सरकारलाई ध्यानाकर्षण गराउने काम निरन्तर गरिरहेको बताउनु भयो ।

बैशाख पुर्णिमालाई गौतम बुद्धको जन्म मात्रै नभई बुद्धत्व प्राप्तीको दिन र महा परिनिर्वाण लिइएको दिन अर्थात जन्म, ज्ञान प्राप्ती र मृत्यु बैशाख पुर्णिमाको दिनमा नै भएको थियो । त्यसैले यस दिनलाई महत्वपूर्ण दिन मानेर विशेष उत्सवको रुपमा मनाउने गरिएको लुम्बिनी विकास कोषका कोषाध्यक्ष सिद्धिचरण भट्टराईले जानकारी दिनु भएको छ ।
वुद्धजयन्तीको अवसरमा २१ गते परासी, रामग्राम स्तपु र पण्डितपुरुमा सरसफाई गर्ने, २२ गते वुद्ध जयन्तीको दिन पण्डितपुरबाट झाँकि सहितको धातु जात्रा निकालेर रामग्राम स्तुपमा विविध कार्यक्रम गर्ने, २२ गते साझ परासी, रामग्राम स्तुप र पण्डितपुरमा शान्ति दिप प्रज्वलन गर्ने कार्यक्रम तय भएको रामग्राम नगरपालिकाका निमित्त प्रमुख प्रशासकीय अधिकृत संजयकुमार शर्माले जानकारी दिनुभयो ।

साथै सबै नगरवासिलाई उक्त दिन सहभागि हुन आह्वान गरिएको छ भने धातुजात्रा रामग्राम नगरपालिकाको मात्रै नभई प्राचिन कोलिय गणराज्यकै भएको हुँदा कोलिय गणराज्यको सिमा भित्र पर्ने अन्य नगरपालिका तथा गाउँपालिका प्रमुखहरुलाई पनि सो यात्रामा सहभागिताको लागि आह्वान गरिने नगरपालिकाले जनाएको छ ।

swasthya karylya