रिवर्थद्वारा बुद्ध जयन्ती विशेष साँस्कृतिक एवं दीप प्रज्ववलन कार्यक्रम परासीमा सम्पन्न

स्थानीय समाचार

Home
स्थानीय समाचार
रिवर्थद्वारा बुद्ध जयन्ती विशेष साँस्कृतिक एवं दीप प्रज्ववलन कार्यक्रम परासीमा सम्पन्न

रिवर्थद्वारा बुद्ध जयन्ती विशेष साँस्कृतिक एवं दीप प्रज्ववलन कार्यक्रम परासीमा सम्पन्न

२५६७ औं बुद्ध जयन्तीको अवसरमा रिवर्थ नेपालले शुक्रवार साँझ बुद्धचोकमा विविध साँस्कृतिक एवं दीप प्रज्वलनको कार्यक्रम सम्पन्न गरेको छ । रिवर्थ नेपालका अध्यक्ष अविनाश रेग्मीको अध्यक्षता र रामग्राम नगरपालिकाका नगरप्रमुख धनपत यादवको प्रमुख आतिथ्यमा कार्यक्रम गरिएको हो । नगरप्रमुख यादवले बुद्ध जयन्तीको अवसरमा शुभकामना व्यक्त गर्दै रामग्राम स्तुपाको महत्व विश्व सामु परिचित गराउन आफू निरन्तर लागि परेको बताउनु भयो ।

बुद्ध चोकमा गरिएको दीप प्रज्ववलन कार्यक्रममा नगर भित्रका दर्जन वढी संघसंस्थाहरुको सहभागिता रहेको थियो । बुद्धचोक परासीदेखि उत्तर लोकतान्त्रीक चोक, पश्चिम जिल्ला प्रहरी कार्यालय र पूर्व रामग्राम नगरपालिका तर्फ बाटोको दायाँबायाँ २५६७ वटा दिप प्रज्ववलन गरी कार्यक्रम गरिएको रिवर्थ नेपालका अशोक श्रेष्ठले जानकारी दिनु भयो ।
सो अवसरमा नगरभित्रका विभिन्न विद्यालयबाट साँस्कृतिक कार्यक्रम र गौतम बुद्ध सम्बन्धी प्रवचन कार्यक्रम गरिएको थियो । कार्यक्रममा रामग्राम नगरपालिका वडा नं. ३ का अध्यक्ष उज्जवल न्यौपाने, रोटरी क्लव अफ नवलपरासीका अध्यक्ष सुमन गोपाल आचार्य, रामग्राम सगरमाथा एकेडेमीका शिक्षक नविन श्रेष्ठ लगायतले बुद्ध पूर्णिमाको अवसरमा मन्तव्य व्यक्त गर्नु भएको थियो ।

यसअघि रामग्राम नगरपालिकाले आयोजना गरेको सर्वपक्षिय बैठकमा बुद्ध पूर्णिमाको अवसरमा नगरवासीलाई घरघरमा दिप प्रज्ववलन गर्न अनुरोध गरिएको थियो । रिवर्थ नेपालले रामग्राम नगरपालिकामा विगतका बर्षदेखि नै विभिन्न रचनात्मक कार्यक्रम संचालन गर्दै आइरहेको छ ।

Diraj Treders