नवलपरासीमा महिला पत्रकारहरूको ४ दिने झमता विकास तालिम शुरू

स्थानीय समाचार

Home
स्थानीय समाचार
नवलपरासीमा महिला पत्रकारहरूको ४ दिने झमता विकास तालिम शुरू

नवलपरासीमा महिला पत्रकारहरूको ४ दिने झमता विकास तालिम शुरू

नवलपरासीमा महिला पत्रकारहरूको ४ दिने झमता विकास तालिम मंगलबारदेखि सुनवलमा शुरूभएको छ । पत्रकार महासंघ नवलपरासी शाखाका अध्यक्ष हरि शर्मा तथा सुनवल नगरपालिकाका नगरप्रमुख बिमला अर्यालको प्रमुख आतिथ्यमा तालिम शुरु भएको हो । नगरप्रमुख अर्यालले समाचार सत्य र तथ्यका आधारमा सम्प्रेषण गर्न आग्रह गर्नु भयो । उहाँले नगरपालिकाले अगाडि सारेका नबिनतमकामहरू मिडियामा ल्याउनु जरूरी रहेको बताउनु भयो ।

त्यस्तै कार्यक्रममा सुनवल नगरपालिकाका उपप्रमुख सूर्य दुवेले पालिकामा परिणाम देखिनेगरी काम गरिरहेको बताउनु भयो । उहाँले नगरप्रमुखसंग वाहिर आएजस्तो आफ्नो कुनै मनमुटाव नभएको जिकिर गर्नु भयो । उपप्रमुख दुवेले पालिकाले हासिल गरेको प्रगतिदेखेर केही व्यक्तिहरुले अफवाह फैलाएको भन्दै गलत प्रचारको हल्लामा नलागी सत्य तथ्यपूर्वक खोज पत्रकारीता गर्न आग्रह गर्नुभयो ।

कार्यक्रममा जिल्लाका ३५ जना महिला पत्रकारहरूको सहभागिता रहेको छ । ४ दिनसम्म संचालन हुने तालिमको सहजिकरण कान्तिपुर दैनिक सन्जु पौडल, पत्रकार इन्दिरा अर्याल लगायतले गर्नु हुने महासंघले जनाएको छ ।

कार्यक्रममा महासंघका पूर्व सभापति केशव पराजुली, महासंघका पुर्व केन्द्रीय सदस्य पुरूषोत्तम सुवेदी, प्रेस चौतारी नेपालका अध्यक्ष मेघराज गौतम, संचारीका समूह नवलपरासीकी संयोजक विष्णु खनाल, पूर्व पत्रकार रेशम शर्मा , महाकाली—मेची साईकल यात्री पत्रकार इन्दिरा बि.क. लगायतले शुभकामना व्यक्त गर्नु भएको महासंघका सचिव राजकुमार रेश्मीले जानकारी दिनु भयो । तालिम आगामी जेष्ठ १२ गतेसम्म संचालन हुदैछ ।