करेशावारी सहकारीको १५ औं बार्षिक साधारण सभाः १८ लाख ७८ हजार वढी नाफा गर्न सफल

स्थानीय सरकार

Home
स्थानीय सरकार
करेशावारी सहकारीको १५ औं बार्षिक साधारण सभाः १८ लाख ७८ हजार वढी नाफा गर्न सफल

करेशावारी सहकारीको १५ औं बार्षिक साधारण सभाः १८ लाख ७८ हजार वढी नाफा गर्न सफल

२४मंसिर, परासी ।
रामग्राम नगरपालिका वडा नं. ३ मा संचालनमा रहेको करेशावारी कृषक साकोसले आज परासीमा १५ औं बार्षिक साधारण सभा सम्पन्न गरेको छ । संस्थाका अध्यक्ष मिनवहादुर कुँवरको अध्यक्षता तथा जिल्ला सहकारी संघका कोषाध्यक्ष हैदरअलि मोमिनको प्रमुख आतिथ्यमा १५ औं साधारण सभा सम्पन्न भएको हो ।
कुल चार सय ९० जना सदस्य रहेको करेशावारीले गत आ.ब.२०७८।०७९ मा १८ लाख ७८ हजार नाफा गर्न सफल भएको छ । संस्थाले कुल ८३ लाख ६१ हजार शेयर पूँजी परिचालन गरेको छ भने कुल ४ करोड ५ लाख बराबरको निक्षेप संकलन गरेको छ ।
साधारण सभाको उद्घाटन समारोहमा बरिष्ठ अधिवक्ता सुदर्शन पन्त, सहकारी बैंकका प्रवन्धक सविना पोख्रेल, रामग्राम नगरपालिका कृषि शाखाका प्रमुख सनत कुमार गिरी, रामग्राम नगरपालिका वडा नं. ९ का अध्यक्ष भोजनारायण यादव, करेशावारीका व्यवस्थापक रामचन्द्र गौतम सदस्य मनिष अधिकारी लगायतले बोल्नु भएको थियो ।
१५ साधारण सभामा अध्यक्ष मिन वहादुर कुँवरले अध्यक्षको प्रतिवदेन, लेखासमितिका संयोजक प्रकाशराज आचार्यले लेखा सुपरिवेक्षण समितिको प्रतिवेदन प्रस्तुत गर्नु भएको थियो भने सवै प्रतिवेदनहरु संस्थाको बन्दसत्रले पास गरेको व्यवस्थापक गौतमले वताउनु भयो ।
संस्थाले गत बर्ष शेयर सदस्यहरुलाई राहत स्वरुप मृत्यू संस्कारमा १ लाख ७५ हजार, दुर्घटनामा परि घाइते भएका शेयर सदस्यहरुलाई ६ हजार ५ सय, सुरक्षित प्रसुति खर्चबापत १७ हजार ५०० सय सेवा प्रदान गरेको छ । यस्तै संस्थाले चालु आ.ब.मा कुल दायित्व ६ करोड पुयाँउदै शेयर सदस्य बृद्धिको नीति लिएको छ ।

प्रकाशित मिति: शनिबार, मंसिर २४, २०७९ १५:५७

प्रतिक्रिया दिनुहोस्