सरकारद्वारा पूर्वसांसद रेशम चौधरीको कैद सजाय माफीकालागि प्रक्रिया शुरु

राजनीति

Home
राजनीति
सरकारद्वारा पूर्वसांसद रेशम चौधरीको कैद सजाय माफीकालागि प्रक्रिया शुरु

सरकारद्वारा पूर्वसांसद रेशम चौधरीको कैद सजाय माफीकालागि प्रक्रिया शुरु

फाइल फोटो

सरकारले टीकापुर घटनामा दोषी ठहर भएका पूर्वसांसद रेशम चौधरीको बाँकी कैद सजाय माफी गर्ने प्रक्रिया अघि सारेको छ । सजाय माफीका लागि भन्दै लेखिएको निवेदन गृह मन्त्रालय हुँदै राष्ट्रपति कार्यालय शीतल निवास पुगेको हो । दोषी ठहर भएका चौधरीको बाँकी सजाय माफी दिने विषयमा प्रधानमन्त्री पुष्पकमल दाहाल सहितको टोलीले राष्ट्रपति रामचन्द्र पौडेलसँग संविधान र कानून बमोजिम चौधरीलाई गणतन्त्र दिवसका दिन सजाय माफी दिने प्रक्रिया बारे छलफल गरेको बताइएको छ ।

राष्ट्रपतिका कानूनी सल्लाहकार बाबुराम कुँवरले पूर्वसांंसद चौधरीको बाँकी सजाय माफी दिन माग गरिएको निवेदन राष्ट्रपति कार्यालयमा आएको जानकारी दिनु भएको छ । राष्ट्रपति कार्यालयको सल्लाहपछि मात्र गृह मन्त्रालयले सजाय माफीको प्रस्ताव मन्त्रिपरिषद्मा लैजाने कुँवरले बताउनुभयो । मन्त्रिपरिषद्ले निर्णय गरेर सिफारिस गरेको खण्डमा राष्ट्रपति पौडेलले गणतन्त्र दिवसको अवसरमा आममाफी दिने निर्णय लिन सक्ने कानूनी प्रावधान छ ।
२०७२ भदौमा ७ जना सुरक्षाकर्मी र एक नाबालकको मृत्यु हुने गरी भएको हिंसात्मक टीकापुर घटनामा चौधरीले दोषी ठहर भई जन्मकैदको सजाय भोगिरहनु भएको छ ।

चौधरीको श्रीमती रञ्जिता श्रेष्ठ अध्यक्ष रहेको नागरिक उन्मुक्ति पार्टीले यसअघि जन्मकैदको फैसला भएपछि लाल आयोगको प्रतिवेदन सार्वजनिक गर्नुपर्ने भन्दै आन्दोलनको घोषणा गरेको गरेको थियो ।

Koseli Ghar