पाल्ही क्याम्पसमा पूर्व विद्यार्थीहरुको भेला सम्पन्नः भण्डारीको नेतृत्वमा ११ सदस्यीय तदर्थसमिति गठन

स्थानीय समाचार

Home
स्थानीय समाचार
पाल्ही क्याम्पसमा पूर्व विद्यार्थीहरुको भेला सम्पन्नः भण्डारीको नेतृत्वमा ११ सदस्यीय तदर्थसमिति गठन

पाल्ही क्याम्पसमा पूर्व विद्यार्थीहरुको भेला सम्पन्नः भण्डारीको नेतृत्वमा ११ सदस्यीय तदर्थसमिति गठन

पाल्ही वहुमुखी क्याम्पस रामग्राम ४ मा शनिवार पूर्व विद्यार्थीहरुको भेला सम्पन्न भएको छ । २०४६ सालमा स्थापना भएको क्याम्पसमा पासआउट भएर गएका विद्यार्थीहरुलाई लक्षित गरी शनिवार (आज) भेलाको आयोजना गरिएको थियो । क्याम्पसलाई विश्वविद्यालयको गुणस्तर मापनमा लैजान पूर्वविद्यार्थीहरुको पनि साथ सहयोग र संगठन आवश्यक पर्ने भएकोले सो भेला आयोजना गरिएको क्याम्पस प्रमुख कैलाश ठाकुरले जानकारी दिनु भयो ।

सम्पन्न भेलाले सर्वसम्मत रुपमा रामचन्द्र भण्डारीको अध्यक्षतामा ११ सदस्यीय पूर्व विद्यार्थी संघ तदर्थ समिति चयन गरेको छ । जसको वरिष्ठ उपाध्यक्षमा बेचु गौंड, उपाध्यक्षमा उत्तमा राय, महासचिवमा संजयकुमार शर्मा, सचिवमा पुरुषोत्तम ढकाल, कोषाध्यक्षमा नरेश कहाँर, सहकोषाध्यक्षमा लक्ष्मी चौधरी, सदस्यहरुमा क्रमशः संदीप वर्मा, मोहन पौडेल, अरुणा पटेल, र सुग्रीम यादव चयन हुनु भएको छ ।