प्रधानमन्त्री दाहालले राष्ट्रहीत विपरित अभिव्यक्ति दिएको भन्दै एमालेले संसद्‌मा जवाफ माग्ने

राजनीति

Home
राजनीति
प्रधानमन्त्री दाहालले राष्ट्रहीत विपरित अभिव्यक्ति दिएको भन्दै एमालेले संसद्‌मा जवाफ माग्ने

प्रधानमन्त्री दाहालले राष्ट्रहीत विपरित अभिव्यक्ति दिएको भन्दै एमालेले संसद्‌मा जवाफ माग्ने

नेकपा एमालेले प्रधानमन्त्री पुष्पकमल दाहाल ‘प्रचण्ड’को भारत भ्रमणका क्रममा गैर जिम्मेवार र राष्ट्रहीत विपरीत अभिव्यक्ति दिएकोप्रति संसदमा जवाफ माग गर्ने बताएको छ। शनिवार बानेश्वरमा बसेको पार्टीको संसदीय दलको बैठकले प्रधानमन्त्रीलाई भारत भ्रमणका क्रममा गैर जिम्मेवार पूर्ण अभिव्यक्ति दिएकोप्रति संसदमा जवाफ माग गर्ने निर्णय गरेको हो।

प्रधानमन्त्रीले दाहालले भारत भ्रमणका क्रममा सञ्चारकर्मीहरूसँग फूलबारी बन्दरगाहसम्मको रुट माग्ने क्रममा सो बाटो उपलब्ध गराए कालापानी र लिपुलेक दिन सकिने भन्ने अभिव्यक्ति दिनुभएको थियो। अहिले प्रधानमन्त्रीको सो अभिव्यक्तिको चौतर्फि विरोध भइरहेको छ।

पार्टीको संसदीय दलको बैठकपछि सञ्चारकर्मीहरूसँग कुरा गर्दै नेकपा एमालेका प्रमुख सचेतक पदम गिरीले प्रधानमन्त्रीले भारत भ्रमणका क्रममा देशहीतका कुनै विषय उठान गर्न नसकेको बताउनुभयो । उहाँले प्रधानमन्त्रीले भारत भ्रमणअघि संसदमा उठान गर्ने भनेका विषयहरू किन उठाउन नसकेको भन्ने प्रश्न गने बताउनुभयो ।

Koseli Ghar