बजार अनुगमन व्यवसायीकालागि हाउगुजी

स्थानीय समाचार

Home
स्थानीय समाचार
बजार अनुगमन व्यवसायीकालागि हाउगुजी

बजार अनुगमन व्यवसायीकालागि हाउगुजी

नवलपरासी जिल्लाको सिमावर्ति क्षेत्र महेशपुरमा बिहिवार बजार अनुगमन के शुरु भएको थियो बजार सुनसान बन्न पुग्यो । दर्ता नगरि नियमविपरित पसल संचालन गरेका कारण एकाएक बजार बन्द भएको होे ।

करदाता सेवा कार्यालयका प्रमुख विकल्प भट्टराई, घरेलु तथा साना उद्योग कार्यालयका उद्योग अधिकृत गंगाधर पाण्डे, जिल्ला प्रशासन कार्यालयका अधिकृत सन्दिप लामिछाने लगाएतको टोलीले करीव चार ओटा पसल अनुगमन गर्दासम्म महेसपुर बजारका सटर बन्द भईसकेका थिए । अनुगमन टोलीलाई व्यवसायीले पुरै असहयोग गरे भने अनाधिकृत व्यापारको बचाउ पनि गरे । जति पसलको अनुगमन भयो ति पसलमा कारोबारको वैद्यता कायम गर्ने कोसिस गरिएपनि प्रर्याप्त भने थिएन् तर सबै व्यवसायीलाई सचेत गराईएको उद्योग अधिकृत पाण्डेले बताउनु भयो । महेशपुरमा अधिकांश व्यवसायीले एउटा व्यवसायको दर्ता अनुमति लिएर अनेकौ कारोबार गर्दे आएको पाईएको छ ।
किराना पसलको अनुमति लिएर, गुट्का तथा सुर्ति, चुरोटसंगै मदिरा समेत विक्रि वितरण गर्दे आएको पाईएको हो । फर्महरु दर्ता भएपनि नविकरण नभएको, विलविजक सहि रुपमा व्यवस्थीत नगरेको पाईएको छ ।

एउटा पसलले कारोबार भ्याटमा दर्ता गरेको तर भ्याट खरिदबिक्री खातामा नचठाएको पाइएपछि संचालकलाई खाता अपडेट गर्न निर्देशन दिइएको कर सेवा कार्यालयका कर अधिकृत विकल्प भट्टराईले बताउनु भयो । एक मदिरा सप्लायर्सलाई बिलबिजक नराखेको भन्दै बिस हजार जरिवाना र पानी उद्योगलाई दुई हजार जरिवाना गरिएको पनि कर अधिकृत भट्टराईले जानकारी दिनुभयो ।

मर्यादित र कानून बमोजिम व्यवसाय गरे अनुगमनको क्रममा सटरनै बन्द गरेर भाग्नु पर्ने अवस्था नआउने उद्योग अधिकृत पाण्डेले बताउनु भयो । उहाँले व्यवसायीहरुलाई अनुगमन एक किसिमको सचेतना भएको भन्दै व्यवसायीहरु अनुगमनमा सहकार्य गर्नु पर्ने बताउनु भयो । उहाँले बजार अनुगमनलाई हाउगुजीको रुपमा नलिन आग्रह गर्दै करदाता सेवा कार्यालय, घरेलु तथा साना उद्योग कार्यालयसंगै विभिन्न स्थानिय तहले पनि सचेतनाका कार्यक्रम व्यापक रुपमा गर्नु पर्नेमा जोड दिनु भयो ।