रामग्रामका महिला उद्यमीहरुद्वारा कोशेली घर अवलोकनः हस्तकलामा आधारित स्वदेशी बस्तुहरु देख्दा उत्साहित

पर्यटन

Home
पर्यटन
रामग्रामका महिला उद्यमीहरुद्वारा कोशेली घर अवलोकनः हस्तकलामा आधारित स्वदेशी बस्तुहरु देख्दा उत्साहित

रामग्रामका महिला उद्यमीहरुद्वारा कोशेली घर अवलोकनः हस्तकलामा आधारित स्वदेशी बस्तुहरु देख्दा उत्साहित

लघु, घरेलु तथा साना उद्योगबाट उत्पादित स्वदेशीबस्तुहरुको विक्रिकेन्द्र कोशेली घर परासीमा आज रामग्राम नगरपालिकाका महिला उद्यमीहरुले अवलोकन गरेका छन् । कृषि, वन र हस्तकलामा आधारित उत्पादनको विक्रिकेन्द्र विगत एक बर्षदेखि परासीमा संचालनमा छ । दिदीवहिनी कोशेली घर नामक विक्रिकेन्द्रमा स्वदेशमै उत्पादन भएका सामग्रीहरुको बजारीकरण गर्ने उद्देश्य राखिएको छ ।

Gharelu office

रामग्राम नगरपालिका भित्र संचालित लघु उद्यम विकास कार्यक्रम अन्तर्गत उद्यमीहरुलाई उत्पादित वस्तुको बजारमा पहुँच स्थापना गर्न अवलोकन भ्रमण गराइएको हो । अवलोकनका अवसरमा रामग्राम नगरपालिकाका नगरउपप्रमुख संझना चौधरीले नगरपालिकाले नयाँ उद्यमीको सृजना र उत्पादित वस्तुको बजारीकरणकालागि कार्ययोजना वनाएर काम गरेको बताउनु भयो ।

सो अवसरमा कोशेली घर संचालक यमकुमारी सुवेदीले जिल्ला तथा जिल्ला वाहिरका उद्यमीले उत्पादन गरेका हस्तकलाका सामाग्रीहरु राखिएको बताउनु भयो । उहाँका अनुसार स्वदेशी सामाग्रीको प्रयोग गर्ने र विदेशी सामाग्रीहरुलाई निरुन्साहित गर्न कोशेली घर संचालन गरिएको हो ।

उद्यमीहरुलाई आफूले उत्पादन गरेका सामाग्री कोशेली घरमा ल्याएर विक्रि गर्न प्रोत्साहन गरिएको छ । नगरपालिकाका ७५ जना नयाँ उद्यमीहरुलाई बुधवार (आज) जिल्लाका अन्य क्षेत्र तथा बुटवलका केही क्षेत्रमा पनि भ्रमण गराउने कार्यक्रम रहेको लघु उद्यम विकास कार्यक्रमकी नर्वदा हरिजनले जानकारी दिनु भयो । साे अवसरमा महिला उद्यमीहरुले हस्तकलाका सामाग्री देख्दा उत्साहित भएकाे बताएका छन् भने समूहले उत्पादन गरेका सामग्री विक्रिकेन्द्रमा राखिदिन अनुराेध समेत गरेकाे हरिजनले बताउनु भयाे ।

Koseli Ghar