रुपन्देहीमा महिला उद्यमशीलता कर्जा प्रवाह बढाउन माग

पर्यटन

Home
पर्यटन
रुपन्देहीमा महिला उद्यमशीलता कर्जा प्रवाह बढाउन माग

रुपन्देहीमा महिला उद्यमशीलता कर्जा प्रवाह बढाउन माग

रुपन्देहीमा महिला उद्यमीहरुले उद्यमशीलता विकासका लागि बैंक तथा वित्तिय संस्थाबाट दिने कर्जालाई सरल र सहज बनाउन माग गरेका छन् । बैंकहरुले विपन्न कर्जा र महिला उद्यमशीलता शीर्षकको ऋणमा लक्षित वर्ग छुट्याउने गरेपनि आफुहरुले सहज रुपमा नपाएको महिला उद्यमीहरुले गुनासो गरेका छन् ।
साइन रेसुंगा डेभलपमेन्ट बैंक र सञ्चारिका समूह लुम्बिनीले एकल तथा द्वन्द्वपीडित उद्यमी महिलाहरुसँग बुटवलमा गरेको कार्यक्रममा उनीहरुले बैंक तथा वित्तिय संस्थालाई महिला उद्यमशीलता, साना तथा मझौला उद्योगमा १५, विपन्न वर्गमा ५, कृषिमा १५ र उर्जामा १० प्रतिशत लगानी गर्नुपर्ने प्रावधान अनुसारको काम नभएको बताए । बैंकहरुले लक्ष्यअनुसार खर्च नगर्दा महिला उद्यमीहरुलाई समस्या परेको लुम्बिनी महिला उद्यमी संघकी अध्यक्ष रचना पन्थले बताउनु भयो । यस्तै महिला उद्यमी रिता सेनले महिला भित्र पनि एकल, द्वन्द्वपीडित र सिमान्तकृत समूदायलाई प्राथमिकतामा राखेर महिला उद्यमशीलता र विपन्न कर्जा प्रवाह पर्नुमा जोड दिनु भएको छ ।

प्रकाशित मिति: सोमबार, असार ४, २०८० ०६:१०

प्रतिक्रिया दिनुहोस्