जिल्ला कारागार पश्चिम नवलपरासीमा ४ सय ८२ जना कैदिबन्दि रहेको जिल्ला कारागारले जनाएको छ । विभिन्न मुदामा स्वदेशी तथा विदेशी नागरिकहरु थुनिएका छन् । जिल्ला अदालत परासी र नवलपुर जिल्ला अदालतबाट बढि कैदि रहेको जिल्ला कारागार परासीका प्रमुख विनोद कुमार दतले बताउनु भएको छ । उहाँका अनुसार ४८२ कैदिबन्दि मध्ये महिला ६८ जना, पुरुष कैदिबन्दी ४१४ जना र २ जना आश्रित महिला बालबालिका रहेका छन् जसमध्ये सबैभन्दा धेरै जबरजस्तिकरणी मुद्धामा कैद सजाय काटिरहेका छन् । कारागारका अनुसार १२७ जना उक्त मुद्धामा कैदि रहेको बताइएको छ ।
यसैगरी कर्तव्यज्यान मुद्धामा ८३ पुरुष र २३ महिला गरी १०६ जनाकैदि रहेका छन् । यस्तै क्रमश ज्यानमार्ने उद्योगमा पुरुष ७ जना, ज्यानमारामा १६ जना पुरुष मात्र रहेका, चोरीमा १३ जना पुरुष १ महिला गरि १४ जना रहेका छन्, बहु विवाहमा पुरुष ४ र महिला १ गरि ५ जना रहेका छन्, लागु औषद मुद्धामा पुरुष १०४ र महिला १९ जना गरी १२३ जना रहेका छन्, ठगी मुद्धामा पुरुष १ र महिला १४ गरी १५ जना छन् । डाकामा १५ जना पुरुष मात्र रहेका छन, मानव वेचविखनमा पुरुष ६ र महिला ६ जना गरी १२ जना रहेका छन्, जबरजस्तिकरणी उद्योगमा पुरुष ९ जना रहेका छन् , बन सम्बन्धी मुद्धामा पुरुष ७ र महिला १ गरी ८ जना रहेका छन् ।
बैदेशिक रोजगारमा पूरुष १ जना मात्र रहेका छन्, अपहरणमा पुरुष ६ महिला २ गरी ८ जना रहेका छन्, सांगठानीत अपराधमा पुरुष ३ जना रहेका छन्, किर्ते मुद्धामा पुरुष २ महिला १ जना गरी ३ जना रहेका छन्, यस्तै हातहतियार खर खजानामा पुरुष १ जना अन्य नखुलेको पुरुष मात्र ९ जना रहेका छन् भने जम्मा १८ वटा मुद्धा विवरणमा कैदि रहेको दतले जानकारी दिनु भयो ।
लिङ्गग अनुसार पुरुष कैदिमा २५७ जना र थुनुवामा १५७ जना रहेका छन् । यस्तै महिला कैदिमा ४१ र थुनुवामा २७ जना रहेका छन् । ६५ वर्ष माथिका जेठ नागरिक पुरुष कैदिमा ५ जना र थुनुवामा ३ जना रहेका छन् यस्तै महिला तर्फ कैदिमा ४ जना गरी १२ जना ६५ वर्ष माथिका जेठ नागरिक रहेका छन् । यस्तै विदेशी कैदि मध्य भारतबाट २९ जना रहेका छन् भने जसमा भारतीय पुरुष २८ जना र भारतीय महिला १ जना छन् ।
यस्तै गत आर्थिक वर्ष ०७८।०७९ को अषाढ मसान्तसम्म ५०७ जना कैदि रहका थिए जसमा पूरुष ४३५ जना रहेको र महिला ७२ जना रहेको बताइएको छ । चालु आर्थिक वर्ष २०७९।८० को जेष्ठ महिनासम्म ३०० जना कैदि थपिएका छन् भने छुटेका तथा सारिएका कैदि ३२५ जना रहेको जिल्ला कारागार कार्यालयका सुचना अधिकारी उमा गौतम आचार्यले जानकारी दिनु भयो ।
