उपभोक्ताले कुनै पनि वस्तु तथा सेवा खरिद गर्दा ठगीन नपर्नेः सुनवल नगरप्रमुख अर्याल

स्थानीय समाचार

Home
स्थानीय समाचार
उपभोक्ताले कुनै पनि वस्तु तथा सेवा खरिद गर्दा ठगीन नपर्नेः सुनवल नगरप्रमुख अर्याल

उपभोक्ताले कुनै पनि वस्तु तथा सेवा खरिद गर्दा ठगीन नपर्नेः सुनवल नगरप्रमुख अर्याल

तस्विर— रामजी ज्ञवालीबाट

सुनवल नगरपालिकामा उपभोक्ता अधिकार र उपभोक्ता सचेनतना सम्बन्धी कार्यक्रम आइतबार आज सम्पन्न भएको छ । उपभोक्ता हित संरक्षण मंच सुनवल नगर कमिटि अध्यक्ष सिता तिमिल्सीनाको अध्यक्षता तथा सुनवल नगरपालिकाकी नगर प्रमुख विमला अर्यालको प्रमुख आतिथ्यमा कार्यक्रम भएको हो । सो अवसरमा बोल्दै नगरप्रमुख अर्यालले “बजार अनुगमनलाई प्रभावकारी बनाउने बताउनु भयो ।” उहाँले आगामी दिनमा मंचसँग सहकार्य गर्दै उपभोक्ताले कुनै पनि वस्तु तथा सेवा खरिद गर्दा ठगीन नपर्ने वातावरण सृजना गर्ने प्रतिवद्धता व्यक्त गर्नु भएको छ ।

सो कार्यक्रममा उपभोक्ता हित संरक्षण मंचका केन्द्रीय सदस्य रामजी ज्ञवाली र घरलु तथा साना उद्योग कार्यालय नवलपरासीका उद्योग अधिकृत गंगाधर पाण्डेले छुट्टाछुट्टै कार्यपत्र प्रस्तुत गर्नु भएको थियो । कार्यक्रममा सुनवल नगरपालिकाका प्रमुख प्रशासकीय अधिकृत भक्तिराम मरासिनी, उपभोक्ता हित संरक्षण मंचकी जिल्ला अध्यक्ष सरस्वती शर्मा, उद्योग वाणिज्य संघ सुनवलका अध्यक्ष रमेश कर्मचार्य, भ्रष्ट्राचार विरुद्ध नागरिक निगरानी संस्थाका सचिव रमेश भुषाल, मंचका सचिव मोहन पौडेल लगायतले कार्यक्रममा सम्बोधन गर्नु भएको थियो ।

सो कार्यक्रममा सुनवल नगरपालिकाका १३ वटै वडाहरुबाट उपभोक्ताहरुको सहभागिता रहेको थियो । कार्यक्रममा उपस्थित भएका उपभोक्ताका बीच सुनवल नगर अधिवेशन सम्पन्न भएको छ । सो अधिवेशनले विष्णु प्रसाद पौडेलको अध्यक्षतामा ११ सदस्यीय नगर कार्यसमिति चयन गरेको हो ।

Gharelu office