नवलपरासी जिल्लाको सदरमुकाम परासीमा संचालनमा रहेका औषधी पसलहरुकाे बुधबार अनुगमन गरिएको छ । मापडण्ड बिपरीत संचालन रहेका औषधी पसलमा अनुगमन समितीले शिल गरेको छ । फार्मेसी र क्लिनिकहरु मापदण्ड बिपरीत संचालन भएको व्यापक जनगुनासो आएपछि अनुगमन गरिएको हो ।
मापदण्ड बिपरीत संचालन रहेको दुईवटा औषधी पसललाई शिल गरिएको संयुक्त जिल्ला बजार अनुगमन समितीका संयोजक एव सहायक प्रमुख जिल्ला अधिकारी प्रकाश देवकोटाले जानकारी दिनु भएको छ ।
रामग्राम नगरपालिकाको तीन वटा औषधी पसल र एक किराना पसल अनुगमन गरिएको छ । परासी बुद्धचोकमा रहेको सन मेडिको औषधी पसल अनुगमन समितीले कागजपत्र माग गरेको उक्त पसलमा संचालकले कागजपत्र नदिएपछि अनुगमन समितीले शिल गरेको हाे ।
त्यसै गरि अनुगमनको क्रममा रामग्राम नगरपालिकाको वडान १८ बन्जरियामा अबैध रुपमा संचालित प्रबेश उपचार केन्द्र कुनै पनि निकायको ईजाजतपत्र विना संचालन गरेको पाइएपछि उक्त औषधी पसल पनि शिल गरिएको छ।
रामग्राम वडान १८ मा रहेको सुदा टेडर्स एण्ड सप्लायर्सबाट अबैध रुपमा ल्याईएको र बिलबिजक नरहेको २ सय ५० केजी चिनी नियन्त्रणमा लिईएको अनुगमन समितीका सदस्य एव जिल्ला प्रहरी कार्यालयका डिएसपी भोजराज पाण्डेयले जानकारी दिनु भयो ।
अनुगमनको क्रममा घरेलु तथा साना उद्योग कार्यालयका उद्योग अधिकृत गंगाधार पाण्डेयले प्रबेश उपचार केन्द्रलाई औषधी बिभाग घरेलु तथा साना उद्योग कार्यालय र रामग्राम नगरपालिकामा दर्ता गरी मात्र संचालन गर्न पाउने जानकारी दिनु भयो ।
तीन दिनभित्र आवश्यक कागजपत्र लिई आउन समितीका संयोजक एव सहायक प्रमुख जिल्ला अधिकारी देवकोटाले जानकारी दिनु भयो ।
यस्तै सफल स्वास्थ्य क्लिनीक एव सफल फार्मेसीमा सम्पूर्ण कागजपत्र रहेको तर स्वास्थ्य निर्देशनायको प्रमाणपत्र नविकारण म्याद नाघेकोले तत्कालै नबिकारण गर्न र पसलबाट निस्केको फोहोरमैला व्यवस्थापन गर्न निर्देशन दिईएको रामग्राम नगरपालिकाकी अनुगमन संमिती संयोजक एव उपप्रमुख सम्झना चौधरीले बताउनु भयो ।
अनुगमन समितीमा स्वास्थ्य कार्यालय परासीका प्रमुख ओमप्रकाश पन्थी, करदाता सेवा परासीका प्रमुख बिकल्प भट्टराई रामग्राम नगरपालिकाका स्वास्थ्य शाखाका जनस्वास्थ्य निरीक्षक सुरज हरिजन, उपभोक्ता हित संरक्षण मञ्चकी जिल्ला अध्यक्ष सरस्वती शर्मा नेपाल पत्रकार महांघका कार्यसमिती सदस्य गौरीशंकर जयसवाल घरेलु तथा साना उद्योग कार्यालयका नबिन बस्यालको सहभागिता रहेको उपभोक्ता हित संरक्षण मञ्चकी अध्यक्ष शर्माले जानकारी दिनु भयो ।
