नवलपरासी उद्योग बुलेटिन सार्वजनिक

स्थानीय सरकार

Home
स्थानीय सरकार
नवलपरासी उद्योग बुलेटिन सार्वजनिक

नवलपरासी उद्योग बुलेटिन सार्वजनिक

पश्चिम नवलपरासीमा आइतबार एक कार्यक्रमका बीच नवलपरासी उद्योग बुलेटिन—बार्षिक सार्वजनिक गरिएको छ । नेपाल घरेलु तथा साना उद्योग महासंघ नवलपरासीले प्रकाशन गरेको उद्योग बुलेटिन रामग्राम नगरपालिकाका नगर प्रमुख धनपत यादवले विमोचन गर्नु भएको हो । बुलेटिनको विमोचन गर्दै नगरप्रमुख यादवले स्थानिय तहमा उत्पादन भएका बस्तुलाई बजारिकरण गर्न आवश्यक रहेको भन्दै बजारीकरणकालागि नगरपालिकाले पनि सक्दो सहयोग र सहकार्य गर्ने बताउनुभयो ।

घरेलु महासंघ नवलपरासीका अध्यक्ष मेघराज गौतमको अध्यक्षतामा भएको बुलेटिन विमोचन कार्यक्रममा घरेलु महासंघ लुम्बिनी प्रदेशका कार्यवाहक अध्यक्ष उमानाथ पोखरेल, महासंघका केन्द्रीय सदस्य बुद्धिमाया सुनार, उपभोक्ता हित संरक्षण मंचका केन्द्रीय सदस्य रामजी ज्ञवाली, घरेलु तथा साना उद्योग कार्यालयका उद्योग अधिकृत गंगाधर पाण्डे लगायतले बदलिदो आधुनिक समयमा बस्तुहरुको उत्पादनमा नयाँ नयाँ प्रविधिको प्रयोग गर्दै जाने र स्वदेशी उत्पादनको प्रयोगमा आकर्षण बढाउनुपर्नेमा जोड दिएका थिए ।

कार्यक्रममा बुलेटिनको आवरण चित्र कोर्ने वरिष्ठ कलाकार मन गोल्डीलाई सम्मान गरिएको थियो । बुलेटिनमा पश्चिम नवलपरासीका लघु, घरेलु तथा साना उद्योगीहरुको अवस्था, उद्यम र उद्यमशीलता, उद्यमशिलताको विकास मार्फत स्वरोजगारको सृजना, उद्योग र उपभोक्ता बीचको सम्बन्ध, कविता, उद्यमीसंगको कुराकानी र सफलउद्यमीको जीवन कथा लगायतका सामाग्रीहरु राखेर प्रकाशन गरिएको बुलेटिन प्रकाशन समितिका संयोजक देवेन्द्र चौधरीले बताउनु भयो । सो कार्यक्रमको संचालन रामग्राम नगर संघका अध्यक्ष मुक्ति प्रसाद पौडेलले गर्नु भएको थियो ।

प्रकाशित मिति: आइतबार, मंसिर २५, २०७९ २१:३७

प्रतिक्रिया दिनुहोस्