पौष्टिक हिसाबले कोदो महत्वपूर्ण बाली, सन् २०२३ लाई अन्तर्राष्ट्रिय कोदो वर्षका रुपमा मनाइने

अर्थ - वाणिज्य

Home
अर्थ - वाणिज्य
पौष्टिक हिसाबले कोदो महत्वपूर्ण बाली, सन् २०२३ लाई अन्तर्राष्ट्रिय कोदो वर्षका रुपमा मनाइने

पौष्टिक हिसाबले कोदो महत्वपूर्ण बाली, सन् २०२३ लाई अन्तर्राष्ट्रिय कोदो वर्षका रुपमा मनाइने

संयुक्त राष्ट्रसंघले सन् २०२३ लाई कोदो वर्षका रुपमा मनाउने निर्णय गरेको छ । भारतका प्रधानमन्त्री नरेन्द्र मोदीको पूरक प्रस्तावमा संयुक्त राष्ट्र संघले सन् २०२३ लाई कोदो वर्षका रुपमा मनाउने निर्णय गरेको हो । नेपालमा पनि विभिन्न कार्यक्रम गरी यसको सुरुवात गरिएको छ ।
संयुक्त राष्ट्र संघको महासभाले मार्च २०२१ मा आफ्नो ७५ औं अधिवेशनमा सन् २०२३ लाई कोदो अन्तर्राष्ट्रिय वर्ष घोषणा गरेको हो । कोदोको दिगो उत्पादनलाई प्रवर्द्धन गर्न र दिगो बजार सिर्जना गर्ने सम्भावनलाई प्रकाश पार्दै उत्पादक, उपभोक्ताका लागि समेत यो वर्ष विशेष अवसरको रुपमा रहने कृषि विभागका महानिर्देशक डा. रेवतीरमण पौडेलले बताउनु भयो । वहाँले पोषण र स्वास्थ्यमा चेतना जगाउने र खाद्य सुरक्षा र स्वास्थ्यको दृष्टिले पनि यो बर्ष महत्वपूर्ण हुने महानिर्देशक पौडेलले बताउनु भयो ।
सन् २०२३ ले दिगो विकासका लागि संयुक्त राष्ट्र संघको एजेण्डा विशेष गरी शून्य भोकमरीमा योगदान पु¥याउने लक्ष्य राखिएको संयुक्त राष्ट्र संघले जनाएको छ ।

खानाका लागि खेतीपातीका अभियन्ता डा. कृष्ण पौडेलले कोदो नेपालका प्रमुख पाँच बालीमध्ये एक रहेको बताउँदै खाद्य सुरक्षाका लागि यो बाली निकै महत्वपूर्ण रहेको बताउनु भयो । पौष्टिक हिसाबले कोदो अत्यन्तै महत्वपूर्ण बाली रहेको बताउँदै वहाँले यसमा सन्तुलित पोषण जस्तै प्रोटिन, खनिज, लवण, भिटामिन र रेसा पदार्थ पर्याप्त मात्रामा पाइन्छ ।
नेपालको हिमाल, तराई, पहाड सबै भेगमा कोदोको खेती गरिन्छ । नेपालमा कोदो वर्गका कोदो, चिनो र कागुनोको खेती हुने गरेको छ । नेपालको मध्य पहाडमा कोदो र कर्णाली क्षेत्रको हिमाली भेगमा चिनोको खेती हुन्छ भने कागुनो देशका हरेक क्षेत्रमा हुने गरेको महानिर्देशक पौडेलले बताउनु भएको छ ।

कोदो खाँदाका फाइदा:
– मुुटु रोग लाग्न दिँदैन ।
– एन्टिअक्सिडेन्ट गुण हुन्छ ।
– हाड बलियो बनाउँछ ।
– बालबालिकाको हाड र दाँतको विकासमा सघाउँछ ।
– नराम्रो कोलेस्ट्रोल घटाउँछ ।
– शरीरको विषाक्तता बाहिर निकाल्छ ।
– पाचनतन्त्रलाई तन्दुरुस्त राख्छ ।
– रगतको कमी हुन दिँदैन ।
– कब्जियत हुन पाउँदैन ।
– टाइप २ मधुमेहबाट जोगाउँछ ।
– स्तन क्यान्सर हुन दिँदैन ।
– शारीरिक तौल नियन्त्रित राख्छ ।
– रक्तचाप घटाउन प्रभावकारी हुन्छ ।
– मृगौला र कलेजोको रोग लाग्न दिँदैन ।
– रोगप्रतिरोधी क्षमता बढाउँछ ।
– फलफूल र सागसब्जी जतिकै पोषक हुन्छ ।
– ऊर्जाको राम्रो स्रोत हो ।
– पित्त थैलीमा पत्थरी हुन दिँदैन ।
– मीठो निद्रामा सघाउँछ ।
– छाला चम्किलो बनाइराख्छ ।
– घाउ छिटो भरिन सघाउँछ ।
– आमाको दूध बढाउँछ ।
– मोटाहरूका लागि उपयोगी हुन्छ ।
– सिलिएक रोग वा ग्लुटेन एलर्जीबाट पीडितहरूका लागि उपयोगी हुन्छ ।
– कुपोषण हुन दिँदैन ।