बैदेशिक रोजगारमा जाँदै हुनु हुन्छ ? गोल्डेन ड्रिम एपलाई प्रयोगमा ल्याउनुहोस्

स्थानीय समाचार

Home
स्थानीय समाचार
बैदेशिक रोजगारमा जाँदै हुनु हुन्छ ? गोल्डेन ड्रिम एपलाई प्रयोगमा ल्याउनुहोस्

बैदेशिक रोजगारमा जाँदै हुनु हुन्छ ? गोल्डेन ड्रिम एपलाई प्रयोगमा ल्याउनुहोस्

बैदेशिक रोजगारको प्रक्रियामा नैतिक भर्ति अभ्यासहरुको सुनिश्चिता सम्बन्धी अन्तरक्रिया कार्यक्रम आज परासीमा सम्पन्न भएको छ । सेन्टर फर माइग्रेशन एण्ड इन्टरनेशनल रिलेसन्स र इसरा इन्स्टिच्यूटको आयोजनामा कार्यक्रम संचालन भएको हो ।

सामुदायिक रेडियो परासीको सभाहलमा भएको कार्यक्रममा बैदेशिक रोजगारीलाई राम्रो बनाउका लागि अन्तराष्ट्रिय स्तरमा बैदेशिक रोजगार बीचको सम्बन्ध स्थापित कसरी गर्ने, कामदार बीच श्रम संझौता, विदेशमा रोजगारीका लागि जाने ब्यक्तिले कस्ता कुराहरुमा ध्यान पु¥याउने, ठगिबाट बच्न के गर्ने साथै (सि.एम आई.आर) को गोल्डेन ड्रिम नामको एपको प्रयोगबाट पहुँचमा कसरी आउने जस्ता कुराहरुमा अन्तरक्रिया गरिएको छ । सो कार्यको सहजिकरण सि.एम.आई आरका कार्यकारी निर्देशक युवराज नेपाल र परियाेजना संयोजक विभूती किरण धिमिरेले गर्नु भएको थियो ।

यस्तै कार्यक्रममा रामग्राम नगरपालिकाकी नगर उपप्रमुख संझना चौधरी र उपभोक्ता हित मञ्चका केन्द्रीय सदस्य रामजी ज्ञेवाली रेडियो परासीका अध्यक्ष एवं रोटरी कल्ब अफ नवलपरासीका चार्टर अध्यक्ष सुमनगोपाल आचार्य, सामि परियोजना रामग्रामका ज्ञानेश्वर भन्डारी, उपभोक्ता हित संरक्षण मंचका उपाध्यक्ष भोजराज बाराकोटी, रामग्राम महिला जेसीजका अध्यक्ष जोगमाया चौधरी, पत्रकार गौरीसंकर जयसवाल लगायतले बोल्नु भएको थियो ।