रोटरी क्लव अफ नवलपरासीको चौथो पदस्थापन : बर्ष २०२३।०२४ मा विरेन्द्र अग्रहरीको नेतृत्व

स्थानीय समाचार

Home
स्थानीय समाचार
रोटरी क्लव अफ नवलपरासीको चौथो पदस्थापन : बर्ष २०२३।०२४ मा विरेन्द्र अग्रहरीको नेतृत्व

रोटरी क्लव अफ नवलपरासीको चौथो पदस्थापन : बर्ष २०२३।०२४ मा विरेन्द्र अग्रहरीको नेतृत्व

रोटरी क्लव अफ नवलपरासीको चौथो पदस्थापन कार्यक्रम बुधवार परासीमा सम्पन्न भएको छ । रोटरी क्लव अफ बुटवल साउथले स्पोन्सर गरेर सन् २०२० मा नवलपरासीमा स्थापना भएको क्लवले सफलताका ३ बर्ष पार गरी चौथो बर्षमा प्रवेश गरेको हो । स्थापनाकालदेखि चार्टर प्रेसिडेन्टको रुपमा सुमन गोपाल आचार्यले क्लवको नेतृत्व गर्दै आउनु भएको थियो । आज एक कार्यक्रमका बीच बर्ष २०२३।०२४ का लागि नवलपरासीका उद्योगी एवं व्यवसायी विरेन्द्र कुमार अग्रहरीलाई पदस्थापन गरिएको हो । सो कार्यक्रममा रोटरीको विधि र मान्यता अनुसार क्लवका एसाइन एजि हिरा शाहले पदस्थापन गराउनु भएको थियो ।
क्लवका अध्यक्ष विरेन्द्र कुमार अग्रहरीको अध्यक्षता र लुम्बिनी प्रदेश सभाका साँसद बैजनाथ कलवारको प्रमुख आतिथ्यमा पदस्थापन कार्यक्रम गरिएको हो । कार्यक्रमलाई सम्बोधन गर्दै सांसद कलवारले “स्वार्थभन्दा माथि सेवा” भन्ने भावले काम गर्ने रोटरीको आदर्शबाट आफू प्रभावित भएको बताउनु भयो ।

सो कार्यक्रममा जिल्ला समन्वय समितिका प्रमुख भगौती यादव(रुदल), जोन २९ का एसिस्टेन्स गभर्नर तथा रोटरी क्लव अफ नवलपरासीका एसाइन एजी हिरा शाह, सरावल गाउँपालिकाका अध्यक्ष सुखाडी प्रसाद चौधरी, रामग्राम नगरपालिकाकी उपप्रमुख संझना चौधरी, क्लवका संस्थापक अध्यक्ष सुमन गोपाल आचार्य, रोटरी क्लव बुटवल साउथकी अध्यक्ष शारदा पंगेनी, क्लवकै एजाज आलम, रोटरी क्लव नवलपरासीका इलेक्ट अध्यक्ष सुनिल कसौधन, नोमिनी अध्यक्ष उर्मिला वानीया लगायतले शुभकामना मन्तव्य व्यक्त गर्नु भएको क्लवका सचिव विनिराम भुषालले जानकारी दिनु भयो ।

सो कार्यक्रममा यसइइ उत्तिर्ण रोटरी क्लवमा आवद्ध सदस्यहरुका छोरा छोरीलाई सम्मान गरिएको थियो । उक्त अवसरमा रोटरी क्लव अफ नवलपरासीका जीवनकला गौतम, राजकुमार रेश्मी र सुनिल कसौधनका छोराछोरीलाई सम्मान गरिएको हो ।