पहिचान र अधिकार सुनिश्चितताका लागि आन्दोलनमा सहभागि बनौ-भन्ने मुल नाराका साथ २९ औं विश्व आदिवासि दिवस यस वर्ष पनि आदिवासि जनजातिहरुले आन्दोलनकै रुपमा मनाउदै छन् । आज विहिबार आदिवासि जनजाति महासंघ पश्चिम नवलपरासिले परासीमा पत्रकार सम्मेलन गर्दै संविधानमा आदिवासिका मागहरु संबोधन नभएको भन्दै शसक्त आन्दोलनको आधार निर्माणको रुपमा दिवस मनाइने भएको बताइएको छ ।
विगत देखि उठान गर्दै आएको पहिचान, पहुच, प्रतिनिधित्व, समानुपातिक समावेशी, स्वयत्तता, स्वशासन, संरक्षित,बहुभाषिक , निति र धर्म निरपेक्षता जस्ता तमाम मुद्धाहरुलाइ संबोधनका लागि आन्दोलनको रुपमा दिवस मनाउने महासंघकि अध्यक्ष तारा रानाले बताउनु भएको छ ।
प्रदेश नं. १ को नाम ऐतिहासिक मानव सभ्यता पहिचानको आधारमा हुनुपर्ने आदिवासी जनजाति महासंघका नवलपरासीका पुर्व अध्यक्ष देवराज चौधरीेले बताउनु भयो साथै उहाँले राष्ट्रिय तथ्याङ्क कार्यालयले २०८० जेष्ठ २९ गते जारी गरेको राष्ट्रिय जनगणना २०७८ को जाति, धर्म,भाषा संम्बन्धी नतिजा सार्वजनिक गरेकोमा आदिवासी जनजातिका वास्तविक विवरणलाई तोडमोड गरी आदिवासी जनजाति उत्थान राष्ट्रिय प्रतिष्ठान ऐन २०५८ मा भएको सुचिकृत जातिहरुलाई फुटाएर तथ्याङ्क सार्वजनिक गरिएको त्रुटीपुर्ण र मिथ्यालाई पुर्न सहि तथ्याङ्कलाइ सर्वजनिक गर्न साथै मात्रृ भाषालाई सरकारी कामकाजको रुपमा कार्यन्वयन गर्न भाषा ऐन निमार्ण गर्न र मगर,तामाङ्ग लगाएत समस्त आदिवासी जनजाति समुदायलाई लक्षित गरी राष्ट्रिय तथा अन्तराष्ट्रिय शक्तिको आडमा समुदायलाई नै अपराधिकरण गर्ने र सामाजिक सदभाव भाडने खालका मनगणन्ते अभिव्यति दिने अधिवक्ता कानुन व्यवसायी भगवति पाण्डेलाई कानुन बमोजिम कारवाहिको माग गरिएको बताउदै चौधरीले संवन्धीत निकायले नजर अन्दाज गरे जनुुसुकै कदम चल्ने बाध्य रहने बताउनु भयो ।
आदिवासीहरु माथि राजनितिक सांस्कृतिक, भाषिक, धार्मिक,दमन, शोषण तथा मानव अधिकार हनन लगायत सबै खाले उत्पीडनबाट मुक्ति दिलाउनका लागि यस वर्ष पनि पश्चिम नवलपरासीले आन्दोलनकै क्रममा विविध कार्यक्रम गरि मनाइने छन् । आज पत्रकार सम्मेलन पछि पृथ्वी चन्द्र अस्पतालमा विरामीहरुलाई फलफुल वितरण गरिएको छ भने, आउने २० गते रक्तदान कार्यक्रम प्रतापपुर ९ रेडक्रस भवनमा आयोजना गरिएको छ यस्तै २२ गते बृक्षारोपण कार्यक्रमको आयोजना गरिएको र २४ गतै ९ अगष्टको दिन २९ औं आदिवासी दिवस बर्दघाट दाउन्ने पार्टि प्यालेसमा मानाउने अध्यक्ष रानाले जानकारी दिनु भयो ।
