आज घटस्थापनाः शुभ साइत विहान ११ बजेर २९ मिनेटमा

कला/संस्कृति

Home
कला/संस्कृति
आज घटस्थापनाः शुभ साइत विहान ११ बजेर २९ मिनेटमा

आज घटस्थापनाः शुभ साइत विहान ११ बजेर २९ मिनेटमा

galaxy parasi

आश्विन शुक्ल प्रतिपदादेखि पूर्णिमासम्म मनाइने हिन्दूहरूको महान् पर्व बडादशैंको पहिलो दिन आज ‘शैलपुत्री’ दुर्गाभवानीको पूजा गरी घटस्थापना गर्ने र जमरा राख्ने परम्परा रहिआएकाछ ।

नेपाल पञ्चाङ्ग निर्णायक विकास समितिका अनुसार, घटस्थपना गर्ने साइत आइतबार आज बिहान ११ बजेर २९ मिनेटमा परेको छ । यो दिन चित्रा नक्षत्र र वैधृति योग परेकाले घटस्थापना गर्नुअगाडि चित्रा नक्षत्र र वैधृति योगको शान्ति गरी घटस्थापना गर्नु शास्त्रसम्मत देखिने समितिले जनाएको छ ।

Diraj Treders

दसैं पर्वलाई असत्यमाथि सत्य र आसुरी शक्तिमाथि दैवी शक्तिको विजयका रूपमा मनाउने प्रचलन पनि छ । नदी वा चोखो स्थलबाट बालुवा अथवा माटो ल्याई गाईको गोबरले लिपपोत गरिएको पूजाकोठा या दसैंघरमा जमरा राखिन्छ । माटाको कलश स्थापना गरी जमरा राख्ने गरिन्छ ।

घटस्थापनाका दिन दुर्गापूजासँगै विभिन्न शक्ति पीठको दर्शन गर्ने चलन छ। देशभरका शक्तिपीठमा पूजा आराधना एवं दर्शन गर्न भक्तजनको भीड लाग्छ । नवलपरासीको पाल्ही भगवती मन्दिर, नवलपुरको दाउन्नेदेवी मन्दिर लगायत देशभरका शक्तिपीठमा पूजा आराधना एवं दर्शन गर्न भक्तजनको भीड लाग्ने गरेको छ ।

Damkal Sewa