बिरामीको मृत्यु भएपछि आम्दाका मेसुमाथि आक्रमण, अवस्था गम्भीर आइसीयुमा उपचार हुँदै

स्वास्थ्य

Home
स्वास्थ्य
बिरामीको मृत्यु भएपछि आम्दाका मेसुमाथि आक्रमण, अवस्था गम्भीर आइसीयुमा उपचार हुँदै

बिरामीको मृत्यु भएपछि आम्दाका मेसुमाथि आक्रमण, अवस्था गम्भीर आइसीयुमा उपचार हुँदै

फाइल फोटो

बुटवल दिपनगरमा रहेको सिद्धार्थ बाल तथा महिला अस्पतालका मेडिकल सुपेरिटेन्डेन्ट राजेन्द्र बस्यालमाथि आक्रमण भएको छ। अस्पतालमा उपचाररत बिरामीको मृत्यु भएपछि उत्पन्न तनाव समाधन गर्न भइरहेको बार्ताका क्रममा बस्यालमाथि आक्रमण भएको हो । अस्पतालले घाइते डा. बस्यालको अवस्था गम्भीर रहेको र आइसीयुमा उपचार भइरहेको बताएको छ ।

मंसिर १२ गते गुल्मी सत्यवति गाउँपालिकाकी ३२ बर्षिय भवानी रास्कोटीको उपचारको क्रममा मृत्यु भएको थियो । मंसिर ११ गते अपरेसन गरी ५ किलो तौलको बच्चा जन्माएकी रास्कोटीको मृत्यु अस्पतालको लापहरवाहीका कारण भएको आफन्तले आरोप लगाएपछि अस्पतालमा तनाव सिर्जना भएको थियो । सोही विवाद समाधानका समाधानार्थ बसेको बार्ताको क्रममा बिरामीका आफन्तले डा. बस्याललाई आक्रमण गरेको अस्पतालले जनाएको छ ।

‘अस्पताल प्रशासनसँग सहमति भइसकेपछि आफन्तले शव बुझ्ने क्रममा उत्तेजक समुहको भिड अस्पतालभित्र पसेर उहाँमाथि (बस्यालमाथि) आक्रमण भएको हो,’ अस्पतालका एक चिकित्सकले बताए । उनका भनाईमा अहिले मृतक महिलाको शव अस्पताल परिसरमै शव बहानमा राखिएको छ।

मृतकका आफन्तहरुको आक्रमणमा अस्पतालको प्रशासनिक भवनका झ्याल ढोका लगायतका फर्निचरहरु तोडफाड भएको छ। अस्पताल अहिले प्रहरीको सुरक्षामा रहेको र कुनै पनि नयाँ बिरामीहरुको भर्ना गरिएको छैन।

बिहान २ बजे बाट अस्पताल आउने बिरामीहरु अस्पतालकको गेटबाटै फर्काईएको छ भने अहिले अस्पतालका भर्ना भएर उपचाररत बिरामीहरु हेर्ने बाहेक सबै काम ठप्प रहेको अस्पताल प्रशासनले जनाएको छ।

ईलाका प्रहरी कार्यालय बुटवलका प्रहरी नायव उपरिक्षक दान बहादुर थापा प्रहरीले घटनामा संलग्न चार जनालाई नियन्त्रणमा लिएर अनुसन्धान सूरु गरेको जनाएको छ।

# दैनिक लुम्बिनी

प्रकाशित मिति: बुधबार, मंसिर १३, २०८० १२:५०

प्रतिक्रिया दिनुहोस्