परासी खानेपानी तथा सरसफाइ उपभोक्ता समितिद्वारा पत्रकार सम्मेलन, समयमै पानीको महसुल तिर्न आग्रह

स्वास्थ्य

Home
स्वास्थ्य
परासी खानेपानी तथा सरसफाइ उपभोक्ता समितिद्वारा पत्रकार सम्मेलन, समयमै पानीको महसुल तिर्न आग्रह

भोली परासी खानेपानी तथा सरसफाइ उपभोक्ता समितिको छैठौँ साधारण सभा परासी खानेपानी तथा सरसफाइ उपभोक्ता समितिद्वारा पत्रकार सम्मेलन, समयमै पानीको महसुल तिर्न आग्रह

डोल्मा चौधरी बिहीबार, पुस ५, २०८०

डोल्मा चौधरी

परासी । खानेपानी तथा सरसफाइ उपभोक्ता समिति परासीले छैठौँ साधारण सभा सम्बन्धी आज पत्रकार सम्मेलन गरेको छ । साधारण सभा शुक्रबार हुन लागेको आयोजकले जानकारी दिएको हो । सम्मेलनमा बोल्दै समितिका अध्यक्ष खगेश्वर पन्थीले कोरोनाको प्रभाव पछि पाचौँ वर्षमा साधारण सभा हुनलागेको जानकारी दिनु भयो । २०३९ सालमा शूरु भई ३५० घरधुरीलाइ शुद्ध खानेपानी पुर्याउने लक्ष्य लिएको हाल रामग्राम नगरको वडा नं.१,२,३,४,५,६ र १० वडासम्म रहेको खानेपानीले सेवा प्रवाहलाई बढाउदै गएको नगरपालिका स्थापना पछि ९५० घरधुरीमा शुद्व पानी वितरण गरिएको जनकारी अध्यक्ष पन्थीले दिनुभयो ।

परासी खानेपानीले ४५० घनमिटर क्षमताको ओभरहेड ट्याकिसहितको खानेपानी उपलब्ध गरेको छ । १ हजार ७ सय १५ धारा मार्फत परासीका स्थानीय सेवा ग्राहिहरुलाइ शुद्व खानेपानी वितरण गर्दै आएको उहाँले बताउनु भयो। आफुहरूले सेवा प्रवाह राम्रो गर्दै गएको भन्दै पन्थीले कोरोनाको लहर पछि पाचँ वर्षमा ६ औँ साधारण सभा गर्न लागेको जनाकारी दिनु भयो ।

कोरोना समयदेखि कै हालसम्म पनि स्थानिय कतिपय सेवाग्राहीले प्रयोग गर्दै आएको खानेपानीको विलको महसुल अझैसम्म नबुझाएकोले संस्थाले समस्या बेहोर्नु पर्ने गुनासो गर्नु भएको थियो । पानीको महसुल नबुझाएकालाइ पटक पटक सूचना जारी गराउँदा पनि अटेरी गर्ने उल्टे धम्कि दिने गर्नाले लाखौ रकमको खानेपानी महशुल उठाउन बाँकिरहेको तथा एउटै सेवा ग्राहिबाट ५० हजारसम्मका रकम उठन बाँकि रहेको गुनासो गर्दै साधारण सभापछि सूचना निकाल्ने, १५ दिनभित्र महसुल नबुझाउनेलाइ १६ औ दिनमा सेवा प्रवाह नगर्ने तथा विभिन्न संचार क्षेत्र पत्रपत्रिका, रेडियो, अनलाइन मार्फत नामसहित सूचना प्रकाशन गरिने जानकारी दिदै अध्यक्ष पन्थीले समयमा महशुल रकम बुझाउन आग्रह गर्नु भयो ।

शुक्रबार साधारणसभा रामग्राम ३ स्थित परासी क्यापसमा हुने जानकारी आयोजकले दिएको छ ।

प्रकाशित मिति: बिहीबार, पुस ५, २०८० १४:१९

प्रतिक्रिया दिनुहोस्