रामग्रामका १२० जना महिला तथा किशोरीहरुलाई प्रजनन शिक्षा दिइयो

स्वास्थ्य

Home
स्वास्थ्य
रामग्रामका १२० जना महिला तथा किशोरीहरुलाई प्रजनन शिक्षा दिइयो

रामग्रामका १२० जना महिला तथा किशोरीहरुलाई प्रजनन शिक्षा दिइयो

परासी । रामग्राम नगरपालिका वडा नं. १३ मा बुधवार महिला तथा किशोरीहरुलाई लक्षित गरी प्रजनन् शिक्षा प्रदान गरिएको छ । रामग्राम १३ को पाडाटिकर, सिमानगढ र कुनवारमा भएको अभिमुखीकरण कार्यक्रममा १ सय २० जना महिला तथा किशोरीहरुको सहभागीता रहेको थियो ।

रामग्राम नगरपालिकाले महिला तथा किशोरीहरुको प्रजनन अधिकारलाई सुनिश्चित गर्ने उद्देश्यले प्रजनन शिक्षा प्रदान गरेको हो । प्रजनन अधिकार हरेक महिला तथा किशोरीले पाउने नेपालको संविधान २०७२ मा व्यवस्था छ ।

रामग्राम नगरपालिका वडा नं. १३ का अध्यक्ष असनारायण चौधरीको अध्यक्षता र नगरउपप्रमुख संझना चौधरीको प्रमुख आतिथ्यमा अभिमुखिकरण गरिएको हो ।

वडा नं. १३ को आयोजनामा सम्पन्न अभिमुखिकरणमा यौन हिंसा, प्रजनन अधिकार, महिलासम्बन्धी रोगहरु, किशोरी अवस्थामा हुने आत्महत्या न्यूनिकरण र स्वास्थ्य संस्थाबाट प्रवाह गरीने सेवाकाबारेमा जानकारी गराइएको रामग्राम नगरपालिकाका जनस्वास्थ्य निरिक्षक सुरज हरिजनले बताउनु भयो ।

कार्यक्रममा सहरी स्वास्थ्य केन्द्रकी अहेव भागरथी पाण्डे र अनमी रन्जना ओझाले सहजिकरण गर्नु भएको थियो ।

रामग्राम नगरपालिकामा महिलाहरुलाई पाठेघर र स्तन क्यान्सरको समस्या पनि देखिएको छ । पछिल्लो तथ्याङ्कअनुसार रामग्राममा पाठेघर र स्तनमा क्यान्सर हुने महिलाको संख्या १० जना रहेको जनस्वास्थ्य निरिक्षक हरिजनले बताउनु भयो ।
Saj Beauty Parlor