नवलपरासीमा सुगर, ब्लड प्रेसर र मृगौला सम्बन्धी रोगको निःशुल्क जाँच शुरु

स्वास्थ्य

Home
स्वास्थ्य
नवलपरासीमा सुगर, ब्लड प्रेसर र मृगौला सम्बन्धी रोगको निःशुल्क जाँच शुरु

नवलपरासीमा सुगर, ब्लड प्रेसर र मृगौला सम्बन्धी रोगको निःशुल्क जाँच शुरु

परासी । स्वास्थ्य कार्यालय नवलपरासीले शनिवारदेखि जिल्लामा निःशुल्क स्वास्थ्य जाँच कार्यक्रम शुभारम्भ गरेको छ । रामग्राम ५ परासी स्थित रामग्राम व्याडमिन्टन कभर्डहलमा एक कार्यक्रमका आयोजना गरी सुगर, ब्लड प्रेसर र मृगौला सम्बन्धी रोगको निःशुल्क जाँच शुरु गरेको हो ।

लुम्बिनी प्रदेश सभा सदस्य बैजनाथ जयसवाल, जिल्ला समन्वय समितिका प्रमुख भगौती यादव र रामग्राम नगरपालिकाका नगर प्रमुख धनपत यादवले आफ्नो स्वास्थ्य परिक्षण गरी कार्यक्रमको शुभारम्भ गर्नु भएको हो ।

पश्चिम नवलपरासीका सात वटै पालिकाका १४ स्थानमा तीनवटा रोग सम्बन्धी निःशुल्क जाँच कार्यक्रम आयोजना गरिएको स्वास्थ्य कार्यालय नवलपरासीका लेखाप्रमुख नारायण भट्टराईले जानकारी दिनु भयो ।

Raju Arts new

शनिवार भएको शुभारम्भ कार्यक्रममा परासी क्षेत्रका २ सय ११ जनाको परिक्षण गरिएको छ । सो अवसरमा स्वास्थ्य कार्यालय नवलपरासीका प्रमुख ओमप्रकाश पन्थीले सुगर, ब्लड प्रेसर र मृगौला रोगबाट बच्ने उपाय, औषधी उपचार र व्यवहार परिवर्तनबारे प्रस्तुतीकरण गर्नु भएको थियो ।

स्वास्थ्य कार्यालय नवलपरासीको आयोजना तथा रोटरी क्लव अफ नवलपरासी र रामग्राम व्याडमिन्टन क्लवको सहकार्यमा कार्यक्रम सम्पन्न भएको रोटरी क्लव अफ नवलरासीका बर्ष २०२४—२५ का अध्यक्ष सुनिल कसौधनले जानकारी दिनु भयो ।

nepli cheli