सरावल १ रजहवामा ९ दिने श्रीमद भागवत ज्ञान महायज्ञ हुँदै, तयारी पूरा

कला/संस्कृति

Home
कला/संस्कृति
सरावल १ रजहवामा ९ दिने श्रीमद भागवत ज्ञान महायज्ञ हुँदै, तयारी पूरा

सरावल १ रजहवामा ९ दिने श्रीमद भागवत ज्ञान महायज्ञ हुँदै, तयारी पूरा

सरावल । सरावल गाउँपालिका वडा नं. १ बसन्तनगर रजहवामा ९ दिने श्रीमद भागवत नवाह ज्ञान महायज्ञ तथा भागवत कथा हुने भएको छ । आज पत्रकार सम्मेलनको आयोजना गरी ९ दिने ज्ञान महायज्ञ हुन लागेको जानकारी दिइएको हो ।

यज्ञ सम्पादन मूल समितिका संयोजक कृष्णप्रसाद भट्टराईको अध्यक्षतामा भएको पत्रकार सम्मेलनमा महायज्ञ भोली चैत्र २७ गतेदेखि आगामी बैशाख ५ गतेसम्म हुने बताइएको छ । भोली बिहान १० बजे कलशयात्रा गरी दिउसो १२ बजेदेखि साँझ ५ बजेसम्म कथा प्रवचन हुने अध्यक्ष भट्टराईले जानकारी दिनु भयो । ज्ञान महायज्ञको सम्पूर्ण तयारी पूरा भएको आयोजकले बताएका छन् ।

अध्यक्ष भट्टराईका अनुसार ९ दिनसम्म चल्ने महायज्ञमा गिता पाठ, चण्डी पाठ, बेद पाठ भागवत पाठ सन्ध्याकालिन आरती र महात्मा पाठ गरिने भएको छ ।

महायज्ञ दुर्गा मन्दिर व्यवस्थापन समितिको आयोजना र बैदिक धर्म परिषद नेपालको सहआयोजनामा गरिने भएको छ । ज्ञान महायज्ञमा भागवत कथा वाचत सन्त शिरोमणी श्री १००८ स्वामी विवेकानन्द सरस्वती जी महाराजले गर्ने कार्यक्रम रहेको प्रचार प्रसार तथा सञ्चार संयोजक नारायण पाण्डेले जानकारी दिनु भयो ।

सरावल १ रजहवा शान्ति वन वाटिका र त्यस क्षेत्र भित्रका धार्मिक स्थलहरु र मणी दिप वासीनी भगवती माता र राज हरिहर धामको प्रांगणमा बैदिक धर्म परिषदको संरक्षण र संवर्धनका लागि दुर्गादेवी मन्दिर परिसरमा ज्ञान महायज्ञ हुन लागेको सञ्चार संयोजक पाण्डेले बताउनु भयो ।

पत्रकार सम्मेलनमा जनार्दन भण्डारी, कृष्ण भुषाल लगायतले ज्ञान महायज्ञको बारेमा पत्रकारहरुले राखेको प्रश्नको जवाफ दिनु भएको थियो ।

प्रकाशित मिति: सोमबार, चैत २६, २०८० २१:५२

प्रतिक्रिया दिनुहोस्