लागू औषधको सेवन आफू पनि नगरौ, अरुलाई पनि गर्न नदिऔंः प्रमुख जिल्ला अधिकारी श्रेष्ठ

स्वास्थ्य

Home
स्वास्थ्य
लागू औषधको सेवन आफू पनि नगरौ, अरुलाई पनि गर्न नदिऔंः प्रमुख जिल्ला अधिकारी श्रेष्ठ

लागू औषधको सेवन आफू पनि नगरौ, अरुलाई पनि गर्न नदिऔंः प्रमुख जिल्ला अधिकारी श्रेष्ठ

परासी । लागू औषधको दुव्र्यसनमुक्त समाज निर्माणका लागि सवै एकजुट हुन नवलपरासीका प्रमुख जिल्ला अधिकारी स्कीम श्रेष्ठले आव्हान गर्नु भएको छ । प्रजिअ श्रेष्ठले "लागू औषधको सेवन आफू पनि नगर्ने र अरुलाई पनि गर्न नदिने " वातावरण निर्माण गर्नु आजको आवश्यकता भएको बताउनु भयो । बुधवार परासीमा सम्पन्न सचेतनामूलक प्रभातफेरी कार्यक्रमलाई सम्बोधन गर्दै प्रमुख जिल्ला अधिकारी श्रेष्ठले यस्तो बताउनु भएको हो ।

आज लागू औषध दुरुपयोग तथा अवैध ओसारपसार विरुद्धको अन्तराष्ट्रिय दिवस, देशभर विभिन्न सचेतनामूलक कार्यक्रम गरी मनाईंदै छ । “लागू औषध दुरुपयोग विरुद्ध लडौं, रोकथाममा जोड दिऔं” भन्ने नाराका साथ दिवस मनाइएको हो ।

नवलपरासीमा पनि जुन २० देखि सप्ताहव्यापी कार्यक्रमका साथ दिवस मनाईएको छ । जिल्ला प्रशासन कार्यालय, शिक्षा विकास तथा समन्वय इकाईको समन्वय र सहकार्यमा जिल्ला प्रहरी कार्यालय नवलपरासीले सप्ताहव्यापी जनचेतनामूलक कार्यक्रम गरी दिवस मनाइएको प्रहरी उपरिक्षक ज्ञानेन्द्रबहादुर फूइयालले जानकारी दिनुभयो ।

परासीमा गरिएको सचेतनामूलक प्रभातफेरी कार्यक्रममा जिल्ला समन्वय समिति नवलपरासीका प्रमुख भगौती यादव, रामग्राम नगरपालिकाका नगरप्रमुख धनपत यादव, प्रमुख जिल्ला अधिकारी स्कीम श्रेष्ठ, विभिन्न सुरक्षा निकायका प्रमुख, विभिन्न कार्यालयका प्रमुख एवं प्रतिनिधि र संघसंस्थाका प्रतिनिधि तथा विभिन्न विद्यालयका विद्यार्थीहरुको उपस्थितिमा प्रभातफेरी गरिएको हो ।