रागम्रामका दुई स्वास्थ्य चौकी किशोरकिशोरी मैत्री घोषणा

स्वास्थ्य

Home
स्वास्थ्य
रागम्रामका दुई स्वास्थ्य चौकी किशोरकिशोरी मैत्री घोषणा

रागम्रामका दुई स्वास्थ्य चौकी किशोरकिशोरी मैत्री घोषणा

परासी । रामग्राम नगरपालिकाका २ वटा स्वास्थ्य चौकीलाई किशोरकिशोरी मैत्री स्वास्थ्य चौकी घोषणा गरिएको छ । नगरपालिकाले वडा नंं. १४ को अमरौट स्वास्थ्य चौकी र वडा नं.१६ को सुक्रौली स्वास्थ्य चौकीलाई किशोरकिशोरी मैत्री स्वास्थ्य संस्था घोषणा गरिएको हो ।

किशोरकिशोरी मैत्री स्वास्थ्य सेवा सञ्चालन निर्देशिका, २०७९ अनुसार विभिन्न ४८ वटा मापदण्ड मध्ये ८० प्रतिशत बढी पूरा भएसँगै स्वास्थ्य चौकीलाई रामग्राम नगरपालिकाका नगरप्रमुख धनपत यादवले किशोरकिशोरी मैत्री स्वास्थ्य चौकी घोषणा गर्नु भएको हो । सो क्रममा नगर प्रमुख यादवले किशोरकिशोरीलाई रामग्राम नगरपालिकाद्वारा मैत्रीपूर्ण सेवा शुरुवात गरिएको बताउनुभयो । घोषणा भएका दुवै स्वास्थ्य संस्थाहरुमा सम्पर्क व्यक्ति पनि तोकिएको छ ।

दश बर्षदेखि उन्नाइस बर्ष उमेर समूहका किशोर किशोरीहरुले सम्पर्क व्यक्ति मार्फत स्वास्थ्य, प्रजनन र परामर्श सेवा लिने बताइएको छ । अब किशोरकिशोरीहरुले सजिलैसँग र मैत्रीपूर्ण वातावरणमा स्वास्थ्य समस्या भन्ने बातावरणको निर्माण भएको छ भने किशोरकिशोरीका लागि यो एउटा अवसर पनि हाे ।

सो क्रममा उपप्रमुख सम्झना चौधरी लगायत विभिन्न संघसंस्था तथा स्वास्थ्यकमीहरुको उपस्थिति रहेको जनस्वास्थ्य निरिक्षक सुरज हरिजनले नेपाली चेलीलाई बताउनु भयो ।

क्षयरेाग