खुल्ला म्यारथन दौडमा सुस्ताकी गुन्जा महिला तर्फ र प्रतापपुरका प्रेमलाल पुरुष तर्फ प्रथम हुन सफल

खेलकुद

Home
खेलकुद
खुल्ला म्यारथन दौडमा सुस्ताकी गुन्जा महिला तर्फ र प्रतापपुरका प्रेमलाल पुरुष तर्फ प्रथम हुन सफल

५ किलोमिटरको दुरी १६ मिनेट ४१ सेकेण्ड २४ माइक्रोसेकेण्डमा पार खुल्ला म्यारथन दौडमा सुस्ताकी गुन्जा महिला तर्फ र प्रतापपुरका प्रेमलाल पुरुष तर्फ प्रथम हुन सफल

मेघराज गौतम बिहीबार, साउन ३, २०८१

परासी । नवलपरासीको सदरमुकाम परासीको बुद्धचोकदेखि रामग्राम स्तुपासम्मको ५ किलोमिटरको म्याराथन दौडमा सुस्ता गाउँपालिकाकी गुन्जा यादव महिलातर्फ प्रथम हुन सफल हुनु भएको छ । गुन्जाले १९ मिनेट ५७ सेकेण्ड २२ माइक्रोसेकेण्डमा सो दुरी पारगरी महिला तर्फ प्रथम हुन सफल हुनु भएको हो । प्रतियोगितामा ३० जना युवायुवतीहरुको सहभागीता रहेको थियो ।

६२ औं इन्जिनियर्स दिवसको अवसरमा परासीमा आयोजित खुल्ला म्याराथन दौडमा पुरुष तर्फ प्रतापपुर गाउँपालिका वडा नं. ३ का प्रेमलाल कोहार प्रथम हुन सफल हुनु भएको छ । उहाँले ५ किलोमिटरको दुरी १६ मिनेट ४१ सेकेण्ड २४ माइक्रोसेकेण्डमा पार गर्नु भएको हो । यस्तै प्रतापपुर निवासी श्रवण केवट द्वितीय हुन सफल हुनु भएको छ । उहाँले १८ मिनेट १२ सेकेण्ड ५६ माइक्रोसेकेण्डमा सो दुरी पार गर्नु भएको हो । यस्तै रामग्राम नगरपालिका १८ का टिका केवट तृतीय हुन सफल हुनु भएको छ उहाँले १९ मिनेट ३५ सेकेण्ड ८९ माइक्रोसेकेण्डमा सो दुरी पार गर्नु भएको हो ।

रामग्राम स्तुप परिसरमा भएको समापन तथा पुरस्कार वितरण कार्यक्रममा पिनका केन्द्रीय कमिटि उपाध्यक्ष पुजेन्द्र बस्नेत, नेकपा एमाले जिल्ला कमिटिका सचिव धिरज शर्मा बस्याल, जिल्ला समन्वय समितिका संयोजक भगौती यादव, रामग्राम नगरपालिकाका नगरप्रमुख धनपत यादव, पिन लुम्बिनी प्रदेशका सहइन्चार्ज जीवन अर्याल, इन्जिनियर्स एसोसिएसन नेपाल नवलपरासीका अध्यक्ष राजु ढकाल लगायतले रामग्राम स्तुपाको विकास र प्रचार प्रसारका लागि म्याराथन दौड आयोजना गरिएको बताउनु भयो ।

सो म्याराथन दौडको निर्णायकको भूमिका नवलपरासी जिल्ला एथेलेटिक्स संघका सदस्य जयप्रकाश सिंहले गर्नु भएको थियो ।

Ramgram Municipality