फ्रान्सलाई २–० ले हराउँदै स्पेन १६ वर्षपछि विश्वकपको फाइनलमा

खेलकुद

Home
खेलकुद
फ्रान्सलाई २–० ले हराउँदै स्पेन १६ वर्षपछि विश्वकपको फाइनलमा

फ्रान्सलाई २–० ले हराउँदै स्पेन १६ वर्षपछि विश्वकपको फाइनलमा

फिफा विश्वकप २०२६ को पहिलो सेमिफाइनलमा स्पेनले उत्कृष्ट प्रदर्शन गर्दै फ्रान्सलाई २–० ले पराजित गर्दै फाइनलमा प्रवेश गरेको छ ।

सन् २०१० को विश्वकप विजेता स्पेनले १६ वर्षपछि दोस्रोपटक विश्वकपको फाइनलमा आफ्नो स्थान सुरक्षित गरेको हो ।

डलास रंगशालामा भएको खेलमा स्पेनले सुरुदेखि नै उत्कृष्ट प्रदर्शन गर्‍यो । खेलको २२ औं मिनेटमा पेनाल्टीमार्फत मिकेल ओयार्जाबलले स्पेनका लागि पहिलो गोल गरे भने दोस्रो हाफको ५८ औं मिनेटमा पेड्रो पोरोले गोल गर्दै टोलीको जित पक्का गरे ।

दुई गोलको अग्रता लिएपछि स्पेनले खेलमा पूर्ण नियन्त्रण कायम राख्यो र अन्त्यसम्म सोही अग्रतालाई जोगाइराख्यो । र यस जितसँगै स्पेनले फाइनलमा आफ्नो स्थान पक्का गर्‍यो ।

अब स्पेनले फाइनलमा इंग्ल्यान्ड र अर्जेन्टिनाबीच हुने दोस्रो सेमिफाइनलको विजेतासँग प्रतिस्पर्धा गर्नेछ ।

दैनिक नेपाल

प्रकाशित मिति: बुधबार, असार ३१, २०८३ ०६:४२

प्रतिक्रिया दिनुहोस्